لقاء كارثي

اكيد هنرجع والحياه هتمشي وهنشوف شغلنا..

امبارح لما كنا هنمشي انا بجد راح من دماغي فكره اننا نبات في بيت نادين خالص اللي حاصل كان مخلي الواحد عقله مش فيه عشان كده قولت انا وحسان و سلامه و ميدو هنقسم نفسنا اللي يروح معايا انا وحودا اللي يروح يبات مع تامر مش قصه يعني المهم انتا قريبين منكم

بس الوقت الموضوع اتحل في بيت نادين في بيت عم احمد حماده كلنا هنشيل بعض بطريقتنا بره عنك كمان امبارح الوضع كانت مختلف انا قلقان علي ابمي لانها كانت تعبانه عشري كان لازم يفضل مع ليله عشان لو لا قدر الله حصل حاجه

بس الوقت بما انكم افضل شويه من امبارح و اطمنا عليكم فا عادي من بكره انا والشباب حتي لو روحنا كل واحد فينا علي بيته عادي و كده كده احنا معاكم بالتليفون طول اليوم اي وقت هنجيلكم في لحظه فضل معاكم و هنطمن منه المهم البنات مش هينفع يسبوكي يا نعيمه

نعيمه….طيب ممكن اعرف ليه يعني هيحصل ايه لما يمشوا ما انا لو احتاجتهم اي وقت هيجوا علي طول و بعدين انا يوميا اكيد هروح لاخواتي فا قعدتهم ملهاش لازمه يرجعوا احسن

عسال….نعيمه انتي الوقت بتفكري و عقلك مش واقف حصل ايه ومحصلش ايه و احنا كلنا معاكي طيب لما تبقي لوحدك و تقفلي الباب عليكي بليل و تلاقي الدنيا فاضيه
هتبقي كويسه اكيد لا خليهم معاكي و ملكيش دعوه بينا احنا خالص انا هفضل في البيت عند نادين مع فضل وهبقي جنبكم برضوا

نعيمه…..طيب تمام بس انا عندي حل تاني و افضل و هيريح الكل من ناحيه مبقاش لوحدي زي ما انتواوعايزين و من ناحيه تانيه انا احس اني مرتاحه شويه

عسال….ايه هو

نعيمه…..يعني بلاش يفضلوا كلهم مع بعض ممكن تقسموها يعني مره ليله مره ايه مره نادين مره سلمي مره ايمي كده يعني هتبقزا مطمنين و في نفس الوقت انا هبقي مرتاحه ان مش الكل سايب بيته و كده كده فضل معايا زي ما عشري قال

و اصلا نجود قالتلي هجيلك بكره وتقي قالتلي هجيلك ابات معاكي بعد يومين لما البنات يمشوا و طنط حنان وريهام كمان قالولي هيجوا يعني مش هبقي لوحدي والله هلوا الموضوع بسيط وسهل عشان انا محسش اني حمل تقيل و ريحوني

حسان….بصي يا نعيمه هو لو ده هيريحك تمام هو حل حلو بس برضوا دي بتاعة البنات لو هما اقتنعوا بكلامك يبقي تقسموها بينكم الاهم متبقيش لوحدك لحد ما اخواتك يقوموا بالسلامه