لقاء كارثي

نجود…..البنات مش زعلانين يا رحاب انا فهمتهم اني سمعت منك بس معلش الموقف كان صعب و هما خافوا و عادي الاخوات بيختلفوا وبيزعلوا و بيرجعوا تاني صح يا ايمي

بصت ايمي لنجود وهي بتعض علي شفايفها

ايمي….ااا اكيد يا نجود سكتت ثواني اممم بصي يا رحاب انا مبعرفش اجامل في الكلام بس انا لا شوفتك وحشه ولا كان عندي شك انك قاصده ده انا اعتراضي الوحيد ان مهما كانت ليله اصرت علي موقفها مكنتيش سمعتي كلامها ادام الطلب او السر اللي مطلوب مني احافظ عليه هيضر بني ادم عادي لو قولتواوحتي لو كانت هتزعل او هتخسرك فيها المهم تبقي بخير بس الحمد لله ربنا عايز كده و المهم انها بخير و ياستي حقك عليا في الطريقه الي خرجت مني وقتها متزعليش بس انتي كنتي شايفه وضعنا جايبن من دفن و مره واحده ليله وقعت مننا فا كان رد فعلي طبيعي

رحاب….انا مش زعلانه والله يا ايمي حقك انتي عليا لو بسببي خوفتوا علي ليله و حمد الله علي سلامتها

نجود…الحمد لله عدت علي خير و اهم حاجه سوء التفاهم اتحل

رحاب…بصت لاخوات ليله انا بعتذر ليكم والله حقكم عليا

وليد….بابتسامه خالص مفيش اي حاجه حصل خير ملهمش نصيب فيه و ان شاء الله بكره يملوا البيت عيال ونفرح بيهم وانتي مكانش في ايدك حاجه تعمليها اكتر من اللي اتعمل

اميمه….انتوا اخوات يا حبيبتي و متزعليش من البنات او من اي حد فينا بس ليله والله قالت انك مقصرتيش معاها و شكرا بجد عشان وقفتي معاها

رحاب….بابتسامه خالص والله حمد الله علي سلامتها

ماريز….ربنا يسعدكم يا بنات و عقبال ما نطمن علي اخوات نعيمه و يبقوا وسطنا قريب

الجميع ….يارب

احمد….قريب بأمر الله يبقوا وسطنا متخافيش يا نعيمه ربنا كريم يا حبيبتي

بصتلوا نعيمه و دمعه منها جريت علي خدها

حماده….بصوت حزين قرب منها وطبطب عليها شدي حيلك يا بنتي اجمدي يابنت الغالي

عيطت بوجع فظيع و طبطبت علي كفه

ضمها وطبطب علي ضهرها و بعدين بعدها عنه و بصلها وهو عينه كلها دموع

حماده…حقك عليا انا ياريت كان في ايدي حاجه اعملها يا حبيبتي

نعيمه….عارفه يا حماده والله عارفه

فضل الكبير…..شدي حيلك يا نعيمه يا بنتي ربنا يصبرك و يقوم اخواتك بالسلامه

نعيمه…..يارب اللهم امين

عشري الكبير….الحمد لله ربنا كريم و ديما لازم نقول في عز الابتلاءات الحمد لله مينفعش نعترض علي قضاء الله نعيمه يا بتي كلام الدنيا جايز ميبردش النار اللي في قلبك الاب والام ميتعوضوش بكنوز الدنيا لكن الدنيا مبتدومش لاي حد كلنا رايحين بس كل واحد بمعاد ازعلي واحزني و خدي بالك مهما الوقت عدي و حسيتي ان انتي افضل هتفضلي موجوعه عليهم لان وجعهم جايز يهدا لكن بيفضل موجود حقك تتوجعي بس كمان يا بتي الدنيا لازم تمر و تسير انتي عايشه و ليكي حق في الدنيا اخواتك عايشين وهما كمان ليهم حق في الدنيا الحياه مبتقفش مش عشان اللي راح مش غالي بالعكس لكن عشان ربنا عايز كده واحنا عباد الله مينفعش نعترض