لقاء كارثي

اميمه….هي حتي لما اخواتها يقوموا بالسلامه لو احتاجوا اي حاجه من البيت تبقي تروح تقي ولا اي حد من البنات معاها او حتي انا نجيبلهم اللي هما عايزينه لكن نعيمه مينفعش تروح الوقت خالص

شيرين….صعبه فعلا

اميمه …بحزن اوووي اول مره هتدخل فيها سواء هي او اخواتها ومش هتلاقيهم هتبقي نار في قلبهم يا حبايبي

نجود…..ربنا يهونها عليهم يارب هو صحيح كل شئ قدر و مكتوب بس بدأت اصدق كلامك يا امينه البنات دي اتنظورا والله مناسابات وراء بعض وافراح قالولك بقي مفيش حد قدهم خدوا عين جابتهم الارض يا حبايبي

امينه….بنظره حزن قولتلك انا من يوم فرح محمود ولدي و رحمه و انا قلبي مقبوض من اللي شافت ليله و قالتلي يابخت ابنك متهني وقتها قولت ربنا يستر علي ليله وعلي البنات

شيرين…يا ساتر يارب هو في كده

امينه….ليه طيب دول غلابه ما بيصدقوا يفرحوا مستكترين الفرحه عالناس

امينه…..في ناس كده لا بتسمي ولا بتصلي طول عمري اخاف من العين لانها حق انا ياما اتصابت في ولادي بسبب العين كان يتقالي من غير خشي في وشي معاكي سبع صبيان

شيرين….اعوذ بالله هو في كده

حنان…صحيج السم في اللسان

امينه….والله انا جه عليا وقت كنت كل اسبوع واحد من عيالي يتعور و يتجرح و يتخيط هتلاقي كل واحد فيهم عنده جرح شكل غير التعب العادي كان يتقالهم تلكلمه من هنا علي اخر الليل الاقي العيل فيهم بيفرفر من السخونيه

اميمه….اعوذ بالله انا والله بستغرب علي اللي بيقول الكلمه في وش الواحد من غير ما يقول ماشاء الله يعني مبيتكسفش وهو بيحسد عيني عينك كده

نجود…لا دول بيبقوا ابجح خلق الله و تلاقيهم ديما يقولوا احنا محسودين

مها….حرام والله دي كلمه واحده مش هتنقص منهم بس هتكسر سم لسانهم يعني حسدتوا البنات وبصيتلهم علي ايه بس بيفرحوا زي غيرهم حظهم ان كل مناسباتهم جات وراء بعض طيب الوقت وهنا عمالين يتوجعوا دي مشافوهاش

امينه….والله يا مها يا بنتي انا من وقت الست اللي قالت كده وانا مش علي بعضي حتي يومها قولت لنجود متقوميش ليله ترقص خوفت عليها و بعدين انا خدت بالي ليله نجمها خفيف اوي ودي مش اول مره يحصلها حاجه في مناسبه

مها….صح ليله ديما بيتبصلها في حياتها حتي علي علاقتها بالبنات
و باخواتها

نجود….دي مين صحيح اللي قالت كده يا امينه انا نسيت