لقاء كارثي
لقاء كارثي
ايه…..طيب خلاص انا هستني شويه
ليله…استني انتي كده كده يعتبر في اجازه جواز انتي لسه عروسه واكيد مكنتيش هتنزلي الوقت فا كملي شويه و بعدها تكون الظروف هديت اطمنا علي اخوات نعيمه الحزن ده هدي شويه بعدها انزلي
ايه…..تمام هعمل كده والله
خبطت سلمي ودخلت
سلمي…..بابتسامه اتاخرت عليكي معلش حسان كلمني و نسيت المايه لحد ما اتبخرت عملتلك غيرها
ليله…. تسلم ايدك يا قلبي
سلمي…..ايه لسه في وجع
ليله….بابتسامه لا هدي شويه الرغي مع اختك نساني الوجع اصلا
سلمي…شوفتي بقي عشان تسمعي كلامي
ايه….ادعولي انا السبب
سلمي…بابتسامه طبطبت علي راس ايه و بصت لليله يلا اشربي هروح اخد شاور بسرعه و جيالكم
ليله….طيب يا قلبي
مر حوالي عشر دقايق و البنات كلهم قعدوا مع بعض
خدت ليله نعيمه في حضنها كانت ساكته خالص وكل ما يلاقوها بتسرح يكلموها عشان تبقي معاهم
كانوا بيحاولوا يغيروا مودها بكل الطرق عايزينها تنسي شويه تفك شويه تتلهي في اي حاجه شويه
كانوا عمالين يتكلموا في حجات بعيده خالص عن اللي حاصل عشان تفك
هما السته كانوا قاعدين عالسرير ليله من حرف و نعيمه في النص و نادين الحرف التاني و قدامه ايمي و ايه وسلمي..
ايمي…..قعدتي في حضنها وارتاحتي يا ست نعيمه
نعيمه….بابتسامه بسيطه تعالي يا قلبي اقعدي جنبها
ليله…انتي بتبعيني يا بت يعني انا سبتها هي و الصغن عشانك تقوليلها تعالي
نعيمه….مش شايفه بصالنا ازاي بخاف منها
ليله….لا في دي عندك حق هي مش قد كده بس مرعبه
ايمي….حطيتوا راسكم في راس بعض ماشي ليكم يوم..
بصت ليله ونعيمه لبعض وابتسموا و بعدين حطت ليله ايدها في ايد نعيمه ونامت علي كتفها
نعيمه….بتنهيده طويله و صوت حزين تعبتوا يا بنات اوي اول مره اشوف شكلكم هلكان كده حقكم عليا
ايمي….بطلي عبط يا نوني
سلمي…..فداكي تعب الدنيا كله المهم انك وسطنا
نعيمه…ربنا يخليكم ليا و ميحرمنيش منكم ابدا ولا اشوف فيكم اي حاجه وحشه خرج منها نفس عميق انا من غيركم ولا حاجه مش عارفه لو انتوا مش في حياتي كان ممكن اكون ازاي
نادين…..واحنا كمان من غيرك ولا حاجه يا نوني
ايمي…..هونيها علي نفسك يا قلبي
نعيمه…..طب ازاي يا ايمي قوليلي عندك حل او طريقه ؟
ايمي….بصتلها وسكتت ثواني جايز لاول مره ميبقاش عندي حل ولا في حاجه في ايدي تتعمل و يمكن كمان كل الكلام اللي ممكن يتقال ملهوش طعم ولا معني كلمه اهدي و بطلي عياط واصبري وارضي وشدي حيلك مفيش حاجه فيهم هتشيل الوجع اللي انتي حاسه بيه بس بنحاول نهون عليكي
