لقاء كارثي

ايمي…..ااا بصوا انا عارفه نعيمه عايزه ايه نعيمه يا بنات عايزه تحس ان كل حاجه ماشيه طبيعيه و كل حاجه ترجع زي ما كانت بمعني اصح
بالاخص يعني انتوا التلاته سلمي وايه ونادين ترجعوا بيوتكم الشباب كمان ترجع و تشوفوا شغلكم و دنيتكم مش حابه الدنيا تقف

نعيمه…..لا انا كلامي مش عليهم هنا بس انتوا كمان انتي وليله قبلهم

ايمي….انا مش هسيبك اكيد

نادين….ولا انا وبعدين احنا مضايقينك في ايه

نعيمه….نادين افهميني مش حوار مضايقني بس انا مش عايزه احس ان حياتكم واقفه بسببي الله يخلكم افهموني انتوا بقالكم ثلثا ايام شبه مش بتناموا ولا بتاكلوا ولا بتقعدوا ولا شايفين شغلكم حتي هدومكم بتجيلكم لان معندكوش وقت تروحوا تجيبوها لو فاكرين ان لما تمشوا واشوف حياتكم رجعت اني هزعل او ان حد فيكم مشي وسابني فا هضايق تبقوا غلطانين بالعكس انا جزء مني هيرتاح شويه لما احس انكم مرتاحين كلامي مش عليكم انتوا بس حتي فضل انت كمان لاوم ترجع و تشوف شغلك و مشروعك انا بخير خلاص متخافوش عليا

عشري…..لا بصي لحظه واحده اللي بينك وبين البنات انا مليش علاقه بيه بالنسبه لفضل شغله ده مسؤوليتي مش هو بس هو وسليم لان لا فضل هيقدر يسيبك لوحدك و لا هو هيقدر يشوف شغله وهو عقله معاكي ولا اصلا كا اصول ينفع انه يسيبك و نفس الكلام علي اخويا انا عارف كويس انه مش كويس و لازم يبقي معاكي انتي وفضل لازم يبقي جنب نسمه عشان لما تفوق تلاقيه جنبها و تطمن يعني من ناحيه الاتنين دول بالاخص شغلهم عليا انا واخواتي واخوات فضل

نعيمه…..عشري انا مش عيزاهم يسببوا شغلهم و مش عايزه حد يضايق ان بسببي هما سايبين شغلهم

عشري…مين هضايق ابويا اخواتي ابوه اخواته امه مفيش حد فينا هيضايق و ابويا انهارده تقريبا قالوا نفس الكلام في العزاء و قالنا كلنا طلعوا فضل بره شغلكم خالص و انا بقولهالك الوقت تاني فضل وسليم ملهمش دعوه بأي حاجه الا لما اخواتك يقوموا و يفوقوا و يعرفوا اللي حصل و يبداوا يتقبلوا الموضوع وبس بعدها يرجعوا تاني لحياتهم و برضوا وهنا معاكم

فضل…..نعيمه انا سايبك تتكلمي و تخرجي كل اللي جواكي بس انا مش هسيبك تعملي اي حاجه او تقفي بطولك انتي مش لوحدك علي فكره و لو علي الشغل اهو عشري قالك احنا بنعرف نشيل بعض بعديا عني وعن اخواتي واخواته احنا شغال معانا فوق ال200 شاب في الكافيهات يعني يقدروا يقوموا الدنيا مش انا اللي هعطلها يعني