لقاء كارثي

عشري…..الحمد لله يا عمري انا بس عايزك تاكلي كويس عشان خاطري يا ليله و بكره باذن الله هنروح للدكتور نطمن عليكي هو قال يومين ويشوفك كمان لازم نعمل تحليل دم عشان نشوف الهيموجلوبين اترفع شويه ولا لا

ليله….طيب تمام

خرجت نعيمه وفضل من البلكونه قربوا منهم و قعدوا معاهم

عسال….ايه يا فضل كلمتوهم

فضل….اه الحمد لله كلمت الشاب اللي هناك و اطمنت علي نادر و طمني كمان علي نسمه من الممرضه اللي معاها و قالوا انهم بخير الحمد لله

عسال….طيب الحمد لله خير يا نونب ربنا يطمنك عليهم يارب

نعيمه…يارب يا ميدو

نادين…ان شاء الله بكره او بعده يبداوا يفوقوا شويه

نعيمه…يارب يا نادين اي حد فيهم المهم ارتاح شويه

نادين….هترتاحي والله

رشيد….الاتنين بامر الله هيفوقوا ويبقوا زي الفل

فضل…..الحمد لله هما مطمنينا خالص يعني مفيش اي خطوره حاليا عليهم

ايمي…..اهم حاجه ان حالتهم مستقره

عسال….فعلا لما روحنا الصبح الدكتور قال متستعجلوش علي انهم يفوقوا المهم الحاله بتستقر وفي تحسن و فعلا ممكن لو فاقوا يحسوا باي الم يا نعيمه و وارد يبقي في مسكنات غلط عليهم فا حرام مش هيقدروا يتحملوا الالم

عشري….اللي فيه خير ليهم ربنا اكيد هيعملوا يفوقوا انعارده بكره بعده في النهايه الاام اللي بتعدي وهما لسه مش فايقين اكيد في جروح بتخف شويه في الم بيهدا يعني وارد يكون ده في مصلحتهم

سلامه….صح علي ما يفوقوا بامر الله يكون الم كتير من الكسور والجروح خف شويه

نعيمه…بنبره حزن و وجع و تعب يارب ربنا يسمع منكم انا حاسه ان عقلي هيتشل من كتر التفكير بقيت افكر في حجات غريبه و حاسه اني هتجنن بجد يعني بفكر ليه نادر حالته خطيره اوي كده يعني ااا ليله انتي كنتي معايا شوفتي العربيه صح مش كده

هزت ليله راسها بحزن

نعيمه….بدموع العربيه كانت واقعه و متدمره اكتر من قدام والجنب يعني لما وقعت وقعت بوشها فا طبيعي اول حد يتأثر السواق سكتت ثواين وهي بتعيط و بابا و بعدين مالت اكتر و اتقلبت علي وشها بس من الناحيه اللي عند ماما هي كانت راكبه وراء بابا علي طول فا طبيعي اللي اتاثر في الاول اللي قاعد قدام و بعدين الجنب اللي وراء بابا

هنقول ان نسمه عشان في النص اتاثرت بالخبطه او بالازاز اللي اتكسر من قدام و كمان قريبه من جنب ماما بس نادر نادر ليه حصل فيه كل ده يعني لما وقعوا المفروض هو اكتر حد اصابته تبقي اقل صح و لا انا اتجنن ولا ايه