لقاء كارثي

عسال…والله ما حصل انا قولتلك كان نفسي اقدر اعمل ده بس عارف انهم مشغولين واكيد هيسافروا بس انا حاسس انك مبسوطه بقرارهم ده صح

نادين…. اوي يا ميدو مش عشان انا محتجالهم بالمعني الحرفي في الظروف دي انا عارفه ان كلكم معايا طول الوقت بس مش هكدب عليك فرقت معايا اوي يا ميدو يمكن انا لما انكلمت معاك الصبح كنت زعلانه انهم هيمشوا لاني ملحقتش اقعد معاهم بس مكنتش زعلانه انهم ماشيين و سايبني يعني فاهم في النهايه هيسافروا لان ده شغلهم و كفايه انهم جم وقت الفرح بس لما سمعتهم بيقولوا انهم قاعدين عشانب و عشان مينفعش يمشوا في الظروف دي و عشان البنات وعشان اصلا هما كمان زعلانين انا كنت حاسه اني مش مصدقه اللي بسمعه

عسال….بابتسامه هاديه حرك ايده علي ضهرها طيب ليه مستغربه اوي كده في النهايه دول اب وام و اكيد هيعملوا عشانك اي حاجه

نادين….وده اللي انا مستغرباه يا ميدو يمكن هما عمرهم ما قصروا معايا ماديا بس طول الوقت كانوا مقصرين معنوياً او بمعني اصح كان في ديما بينهم عند و عمرهم ما اتفقوا بعد اللي حصل بينهم غير ان بعد كده كل واحد فيهم بقي ليه حياه و اسره و ولاد فكان اي عند بينهم انا اللي بدفع تمنه حرمان منهم لدرجه اني اوقات كنت بحس انهم شالوني من حسابتهم يعني عملوا حياه وبيت واسره و ولاد غيري و شافوا اني عيشت من غيرهم و كبرت فا مفيش خوف عليا و انا قولتهالك قبل كده ان من زمان وانا مش في حسابتهم بس اول مره احس بالشعور اللي جوايا ده انا طلعت في حسابتهم يا ميدو يعني كنت مصدقاهم اوي حسيت ان قرارهم ده مكانش عشان يعملوا اللي المفروض يتعمل تجاه بنتهم لا هما عنلوا ده من جواهم اوي و دي حاجه انا اول مره المسها سكتت ثواني و عينها بقت كلها دموع

عسال…..لا بصي هنعيط هزعل منك

نادين….ااا انا مش بعيط عشان مضايقه بالعكس انا مبسوطه اوي و يمكن اللي فرحني اكتر من قرار مامي و بابي كلام جاسم ليا اللي بجد من كتر ما انا مكنتش مستوعباه سكت و بقيت بعيط بس

عسال…..بابتسامه هاديه قال ايه جاسم

نادين…بابتسامه من وسط دموعها قالي انا هفضل معاكي و مش همشي و حتي لو مامي وبابي اضطروا يسافروا عشان شغلهم هو هيفضل معايا لحد ما الظروف دي تهدأ شويه بجد فاجئني يا ميدو اصل انت مش متخيل بص انا بحب اخواتي والله بس عمري ما حسيت بحبهم ليا اكيد مش بيكرهوني بس كمان هما بيشوفوني كل فتره طويله ولسه صغيرين فكنت بحس ان حبهم ليا بارد و انا اتأقلمت علي ده لان اصلا بابي ومامي كنت بحس ان هما زيهم مشاعرهم بارده فا طبيعي اخواتي يطلعوا مشاعرهم تجاهي مش قويه