لقاء كارثي

علي…ربنا يقومهم بالسلامه و يطمنك عليهم يارب و نفرح بخروجهم

نعيمه…يارب يا علي

ساره…..شدي حيلك يا نوني انا عارفه والله ان كل الكلام ده سهل و مش بيريح بس صلي و ادعي كتير هتلاقي ربنا ريح قلبك والله و نزل عليكي صبر كبير

خديجه….نوني متشليش هم اي حاجه احنا كلنا معاكي والله و مع اخواتك و ان شاء الله في اقرب وقت نطمن علي سلامتهم

نعيمه….بدموع يارب ادعولهم والنبي انا مبقاش ليا غيرهم هما اخر حاجه فاضله ليا من امي وابويا

علي…..هيبقوا زي الفل متقلقيش عليهم

عبدالله…..ربنا ما يضرك فيها يا غاليه
ولا نشوف فيكم كلكم شر ابدا و حمد الله علي سلامتك يا ليله

ليله….شكرا يا عبدالله الله يسلمك انا بجد اسفه قلقتكم كلكم عليا و تبعتكم كان المفروض بعد الدفن ترتاحوا بس حقكم عليا

عبدالله…..تعب ايه بس انتي اختنا و مرت الغالي

عمر…..بابتسامه متقوليش كده يا ليله المهم انك بخير طبطب علي ضهر عشري وابتسم خير ان شاالله سلامتكم بالدنيا واللي فيها و ربنا يعوض عليكم باحسن واغلي من اللي راح

علي…..ان شاء الله قلبنا يفرح قريب بيكي انتي وعشري و نشيل عيالكم و نفرح بخروج اخواتك يا نعيمه و كل حاجه هتعدي صدقيني

نعيمه…..بنظره حزن يارب يارب

رحاب و رضوي كانوا واقفين سامعينهم بس واخدين جنب بسيط رضوي محرجه لان اختها الكل شايف ان ليها ذنب في اللي حصل لليله و رحاب مش قادره تبص في عينهم و عارفه ان الموضوع لسه في الاول و اكيد هما لسه مضايقين فكانت بتتلاشي الكلام معاهم

الكل قرب في الوقت ده كل الكبار قربوا …

عشري….اااا طيب بما ان الكل متجمع احمم عبدالله حبيب يانت عارف يا اخوي غلاوتك عندي قد ايه حقك عليا في اللي صار امس

عبدالله….ماقولش كده يا اخوي حق ايه بينا حقوق احنا

عشري….ااا انا عارف ان الموقف مكانش احسن حاجه وانت موقفك كان صعب شويه بس غصب عني و رحاااب

بصتلوا رحاب بهدوء و قلق

عشري…قدام الكل انا بعتذرلك علي الشي اللي صار مني و غضبي بس غصب عني اكيد انتي بتعذريني بس كان واجب ارد حقك قدام الكل كيف ما عصبت عليكي قدام الكل

ااا ليله فهمتني ان انتي ملكيش ذنب و حاولتي لكل الطرق تقنعيها و معرفتيش و قالتلي كمان علي وقفتك معاها انا بعتذر بس والله انا كان غصب عني كنت شايف ليله بتروح مني و اهم حاجه الوقت انها بخير دي عندي بالدنيا