لقاء كارثي

ليله…..نعيمه بجد تفكيرك بالطريقه دي مش صح لازم تعرفي ان اي حاجه حصلت في اليوم ده كانت هتحصل بيكي او من غيرك افهمي

ايه…..نوني فرحه ايه اللي اتكسرت هو انتي فاكره ان اي واحده فينا احنا الثلاثه زعلانه و بتعيط عشان فرحتها اللي مكملتش ولا عشان فارق معانا بجد اللي حصل مع نوجا و عادل واخواتك وبعدين ما انا كمان تعبت بعد فرح نادين هقول بقي هي و ميدو السبب عشان فرحهم كان عالبحر و الجو كان برد كل دي حجات ربنا كاتبها بلاش عبط بقي

حسان….بصي يا نعيمه انا مقدر كل اللي بتقوليه و عارف احساس ان البني ادم يحس انه تقيل علي حد او محمل علي حد بس صدقيني و مش هقولك انا هتكلم عن لساني بالعكس انا هتكلم علي لسان صحابي كمان لاني عارفهم اكتر من نفسي كلنا يا نعيمه ربنا يعلم اننا اتوجعنا علي اللي حصل موجوعين كمان عشانك لان الموضوع مش سهل و وجعك يوجعنا اكيد و الظرف اللي انتي فيه كان ممكن يبقي عند اي حد فينا وقتها انتي كنتي هتفركي بنفس الطريقه ؟؟ اكيد لا

ولو فاكره اننا مضايقين بس مضطرين نسكت عشان البنات او بنعمل ده وواقفين معاكي عشانهم تبقي غلطانه احنا جنبك عشان انتي اختنا و غاليه علينا فا وجود البنات معاكي دي اصول و واجب من ناحيه من ناحيه تانيه هما مشاركينك في نفس الوجع لان اللي راحوا دول يخصوهم زيك بالظبط بيعتبروهم اهلهم و ناسهم و الطبيعي اننا نحترم حزنهم و نحترم مشاركتهم احزنك و نحترم الواحب والاصول

يعني محدش فينا مضايق محدش فينا شايف انه ايه ده احنا لسه متجوزين ومالنا ومال النكد ده خلاص عملنا الواجب الكلام ده يقولوا الغريب يا نعيمه اللي بيعمل بس واجب او بيرد جميل انما احنا اللي بينا اكبر احنا اهل و اخوات واصحاب

رشيد….بصي يا نعيمه انا مش هقول اكتر من اللي حسان قالوا..

لا انا ولا الشباب ممكن اي واحد فينا يتكلم عن لسان التاني الا و هو متأكد ان اللي بيقولوا احنا موافقين عليه و هو معاه حق انا مش هقف معاكي واعمل الاصول عشان ايمي تبقي مبسوطه و تشوف قد ايه هو واقف مع صاحبتي انا ممكن اعمل ده عشانها مع اي حد غريب بس انتي مش غريبه و ووجودي ووقفتي واني اسيب بيتي او شغلي مش عشان ايمي بس لا عشان انتي اختي واهلك اهلي و اخواتك اخواتي الصغيرين و اللي حاصل كمان يخص ايمي واهلها الكل حزين يا نعيمه وانتي مأجبتريش حد يسيب كل اللي وراه عشان يشاركك حزنك بالعكس انتي اكيد واثقه ان ده طالع من قلبنا ليكي فكره بقي ان الحاه لازم تمشي ده طبيعي