لقاء كارثي

بصتلها نعيمه وهي مضيقه عينها جامد من كتر العياط و الصداع و الضغط مكانتش قادره تفتح عينها

نعيمه…لا يا قلبي مش عايزه طمنيني عليكي انتي كويسه لو تعبانه يا ليله قومي روحي والنبي

ليله….والله ما تعبانه و بعدين انا قاعده متحركتش انتي اللي شكلك تعبان اوي

ايمي….نعيمه انتي ضغطك واطي ؟

نعيمه…. والله ما عارفه يا ايمي راسي وجعاني بس مش عارفه ده ضغط ولا ايه

ايمي….لا ده ضغط انتي مش عارفه تفتحي عينك

ليله…ايوه باين علي عينك اوي اقول لفضل او عشري يحاولوا يجبولك دواء

نعيمه….لا لا انا تمام انا عيزاكم بس انتوا تقوموا و ترتاحوا شويه

ايمي….متحمليش همنا احنا بخير

نعيمه….خدت نفس طويل و خرجته بهدوء ااا بقولكم ايه انا عايزه اتكلم معاكم في حاجه مهمه

ليله….قولي

ايمي…حاجه ايه يا قلبي

نعيمه…..انا صعبان عليا نادين و ايه وسلمي و عيزاهم يمشوا انا مهما قولت هيسمعوا الكلام اتكلموا معاهم انتوا مش هينفع يفضلوا يا بنات دول لسه متجوزين و لو مش عشانهم عشان الشباب حرام ملهمش ذنب يتمرمطوا معاهم كده

ايمي…..بهدوء هو انتي متخيله يا نعيمه ان حد فيهم بيعمل ده و هو مجبر او حتي بيعملوا عشان البنات بصراحه كلهم بيعملوا ده من قلبهم عشانك انتي

نعيمه…عارفه والله بس انا مضايقه يا ايمي و مش عايزه احمل علي حد فيهم و مش هضايق او ازعل لو كل واحده فيهم روحت بيتها لان في النهايه ده اللي لازم يحصل بالعكس انا حاسه اني مضايقه و انا معطله الكل معايا كده يعني خلاص كفايه اوي كده عليهم و عليكم وعلي الكل بقالكم ثلاث ايام معايا محدش سابني الكل حاله واقف يا ايمي و خلصت خلاص خلصت يا ايمي

قالت اخر جمله بنبره وجع رهيبه

ايمي ….نعيمه محدش فينا حاله واقف يا قلبي ولا حتي الشباب كلنا معاكي عشان ده الصح و اكيد الدنيا هتمشي و كل واحده هترجع بيتها بس مش هنقدر نعمل ده الا لو اطمنا عليكي

نعيمه….انا كويسه يا ايمي اهو بس والله اللي حاصل ده مضايقني

ليله….نوني مش وقته يا قلبي الكلام ده خالص وانا عن نفسي مينفعش اروح اقول لواحده فيهم روحي بيتك لاني مقدرش ازايد علي اي واحده في حبها ليكي و اكيد لو حد قالي روحي مش هعمل ده و مش هسيبك بس اللي حابب فيهم يروح عادي طبعا

نعيمه….ليله مفيش ولا واحده فيهم هتروح من نفسها و كل واحده فيهم لو فكرت تروح هتفكر اني هزعل يعني لازم تيجي منكم انا هقولهم بس عيزاكم تقولوا معايا انتوا كمان عشان نمنع الاحراج عنهم و عن اي حد