لقاء كارثي

ايمي…..يا نوني احراج ايه بس يعني انا لو مشيت مش هرجعلك تاني ما اكيد كل واحده فينا هتجيلك تاني يوم

نعيمه….ملهوش لزوم يا ايميييي انا عايزه احس ان الحياه مش واقفه يا جماعه افهموني و حسوا بيا عشان خاطري انا لو شوفتكم رجعتوا لحياتكم و الدنيا ماشيه هتمشي معايا انا كمان انتوا لازم ترجعوا لحياتكم و تتعاملوا عادي مش عايزه احس اني موقفه حياتكم

ايمي….موقفه ايه انتي هبله

ليله….نوني بصي بعد العزاء هنروح واكيد هما راجعين معانا انا هتكلم معاهم مش عشان الهبل اللي في دماغك ده بس علي الاقل منبقاش موجودين كلنا و مره واحده نمشي كلنا بعني نقسم نفسنا مره انا مره ايمي مره سلمي او اي حد من البنات و كده الدنيا برضوا هتمشي

نعيمه….ليه يا ليله هيحصل ايه يعني لو فضلت لوحدي ما انا كنت قاعده لوحدي من بعد جوازك بالله عليكي متخلنيش احس اني عبئ علي اي حد فيكم

ليله…عبئ ايه يا غبيه انتي انا هعمل ده عشان اريحك لكن محدش فينا هيسيبك اكيد علي الاقل اخواتك يقوموا بالسلامه و قتها هتتلهب معاهم بس اعملي حسابك محدش فينا هيسيبك انا عن نفسي مش هسيبك

نعيمه….يا ليله بالله عليكي الشباب ملهمش ذنب مش عايزه حد فيهم يضايق او يحس بعدم راحه وهو بعيد عن بيته

ايمي….يا بنتي مين قال انهم مضايقين لو حد فيهم مضايق فا مضايق عشانك و اصلا كلهم شايلين همك اكتر مننا و لو حد فيهم مش عارف يقعد في بيت نادين يروحوا البيت عادي و بعدين احنا لو في نفس الظروف دي يا نعيمه فضل هيضايق انك واقفه معانا

نعيمه….بعد الشر واكيد لا بس

ايمي…مفيش بس اقفلي بقي الحوار ده لحد ما نروح و نعمل زي ما ليله قالت نقسم نفسنا عشان متفضليش لوحدك لان محدش فينا هيسيبك لوحدك واعملي حسابك علي ده

سكتت نعيمه بقله حيله عارفه ان الكلام معاهم مفيش منه فايده.

ايمي…..خليكي معاها يا ليله

ليله…رايحه فين

ايمي…..هشوف ابويا

قامت ايمي و راحت ناحيه الشباب

نعيمه….بحزن و لمعه في عينها حماده زعلان اوي هو وحمودي نغم كانت بتقول لسلمي ان الصبح حمودي كان منهار و لما راحوا لحماده هو كمان كان منهار

ليله….اكيد يا نوني مكانش ليهم غير بعض هما الثلاثه ربنا يصبرهم و يصبرنا كلنا

نعيمه…..ليله

ليله…نعم يا قلبي

نعيمه…..انا عيزاكي تخلي ايمي بالذات تروح و النبي اقنعيها