لقاء كارثي
لقاء كارثي
في كام ثانيه اغلب اللي كان قاعد قام يتفرج
ايمي كانت بصالها و مبتسمه و عماله تصورها
قلبت الدنيا ليله في لحظه
امينه كانت واقفه مبسوطه و بصالها بحب و احده من معارفهم قالتلها بضحك ابنك هايص يا امينه
بصتلها امينه وابتسمت بهدوء ولفت وشها و فضلت تكبر و تسمي و تقرا قران و بمجرد ما ليله خلصت قربت بهدوء منها و مسكت أيدها تحت دراعها
امينه…..تجعدي و مترجصيش تاني النسوان بيحسدوكي عيني عينك المره بتقولي ولدك هايص
ليله…. بضحك والله جوجو اللي رقصتني
امينه….دي مخها تعبان متسمعيش كلامها اميمه الله يرضي عنيكي متخليهاش ترقص تاني
اميمه… بضحك حاضر عيني
امينه…. والله النسوان عينهم عليها
ماريز……بابتسامه ربنا يحفظها يارب
فضلوا يضحكوا كلهم علي امينه
و شويه و البنات رجعوا قعدوا تاني كلهم
و البوفيه اتفتح و بدأ الاكل ينزل
…………….
عند الشباب الدنيا كانت والعه الكل مبسوط و فرحان
ونفس الوضع الشباب و الرجاله كان ليهم تربزتين مخصوص و قريبن من تربيزات عشري واهله هو وفضل
وقت البوفيه و قف عشري و فضل واخواتهم بقوا يشرفوا بنفسهم علي نزول الاكل
رايحين جايين يأكدوا علي كل حاجه بنفسهم
عشري….عدي رحييم
راح عدي جري علي عشري
عدي….نعم يا اخوي
عشري…شاورلهم علي التربيزات بتاعت الشباب و الرجاله أبيك تطالع الطاولات ذي بعينك وتوقف عليها وحدة وحدة تتأكد إن كل شي فيها حاضر وما فيه شي مخلوف ركز زين عليها ولا تلتفت لغيرها و انت يا رحيم مع ولد خالك
رحيم….حاضر
عدي…..زين يا خوي
عشري…..عدي ما اريد شي ناقص علي الطاولات ونزل زود
عدي….ابشر جري عدي هو و رحيم
و بقي واقف ينزل اكل ومايه و عصاير و كل حاجه
عسال….بهدوء هروح اشوف عشري وفضل لو محتاجين مساعده
سلامه…استني هاجي معاك
قربوا من عشري كان رايح جاي و عمال يتابع هو واخواته التربيزات كلها الناس كانت كتير جدا
عسال…..عشري محتاج اي حاجه
بص عشري علي ميدو وسلامه
عشري….متحرمش يا حبيبي روح يلا انت وهو كلوا
عسال….سيبك من الاكل قولي اساعدك في ايه
عشري….والله كله تمام ولا حاجه
سلامه…..طيب تعالي اقعد شويه انت مقعدتش دقيقه روح انت ريح شويه و انا وميدو هنساعد الشباب
عشري….والله ما بعمل حاجه بس بتاكد ان الناس كلها مش محتاجه حاجه يلا روحوا انا هاجي الوقت
