لقاء كارثي
لقاء كارثي
سليم……هتروحي فين
نسمه…في حجات بسيطه نقصاني للفرح هجيبها
سليم….طب شوفي تقي لو اكيد نازله روحي معاها بس حاولي تقنعيها لان بكره صعب اجيلك بكره هنبقي مع حودا اليوم كله و هنبقي مشغولين فرحه خلاص بعد بكره
نسمه….طيب تمام هي تقي قالت انها هتنزل بس لو مش هتنزل بقي هتصرف انا
سليم….المهم عرفيني هتعملي ايه عشان ابقي مطمن عليكي بس
نسمه….ماشي يا حبيبي
………….
احمد……نعيمه يا حبيبه قلبي شكرا علي اليوم الجميل ده و شكرا علي اسقبالك لينا في بيتك
نعيمه….بضحك ايه الكلام الكبير ده يا حمودي انا اتفه من كده بكتير و بعدين ده بيتي انا وليله يعني بيت البنات وبيتكم
سلامه…..لا بجد يا نوني شكرا تعبناكي و البيت بقي ماشاء الله عايز يترمي
حسان…. بضحك اه والله صعبتنه عليا هي و نودي
نعيمه…لا متقلقش حودا هيجيب صحابه ياخدوا الحاجه الصبح و في بنوته هتيجي تظبط كل حاجه متقلقش و بعدين بعد الشكر والكلام الحلو ده معلش بعد اذن الثلاثي المرح سلامه وحسان و محمود حق القاعه من فضلكم
ضحكوا كلهم علي نعيمه
عادل….انتي بتأجري البيت يا بنت الكلب
نعيمه….تجاره حلال يا دولا بت يا لولي فكري في المشروع ده بعد ما اتجوز نأجرها قاعه افراح
ليله….بضحك معاكي في اي مصلحه
حسان…..نوني بعد المنظر بتاع البيت ده انا بقول خدي حقك دعاء علينا احسن من الفلوس
نعيمه…. بضحك لا مقدرش والله فداكم اي حاجه
رشيد……اخلصوااااا مش قادر اقف
نعيمه….بضحك انت هتفضل ماشي والشوز في ايدك كده
رشيد…..مش قادر والله وجعاني اوي
وليد….ايمي لما تروحوا خليه يحطها في مايه دافيه
ايمي….حاضر والله
ليله…..رشيد طيب خد شبشب انزل بيه كده كده انت مروح
مصطفي …وهي المركب دي يجي عليها شبشب من بتاعكم
رشيد…..تصدق وتآمن بالله المرادي انا اللي هزنقك مش عشري مش وقتك يلاااا
مصطفي…..بضحك طب هسكت والله بس انا عايز اقول اخر حاجه في تنمرايه واقفه في زوري لو مقولتهاش هفطس
رشيد….. بضحك حنون هض*رب ابنك
حنان…. بضحك اض*ربوا يستاهل
كلهم واقفين يضحكوا علي ضحك مصطفي
ايمي…بضحك والنبي سيبوا يقول يارشيد
رشيد….سيبوا يقول يارشيد قول يا عم زفت
مصطفي….بضحك طب وسعوا عشان ابقي اجري علي طول
عشري و ليله كانوا واقفين ميتين من الضحك علي ضحكه
