لقاء كارثي
لقاء كارثي
شويه و تقف ثابته وترقص حواجبها يبصلها بغيظ ويضحك مكانش عارف يلاقيها من وسطها ولا من حواجبها
علي الساعه 11 شادي و علا استأذنوا سلموا عليهم و باركولهم و كان باين عليهم السعاده جدا
سلمي…..هتمشي ليه لسه بدري يا علا
علا…..مامي كلمتني والله داليدا مجنناهم و هنا بدأت تنام لو عليا والله مش عايزه اسيبكم خالص بجد اتبسطت اوي معاكي انتي وحسان و مع البنات و معاكم كلكم كنتي زي القمر انتي وايه ربنا يسعدكم يارب يا قلبي و اشوفكم ديما مبسوطين و خلي بالك من انكل عشان بجد قطع قلبي
سلمي….بابتسامه متقلقيش عليه بجد يا علا مش عارفه اقولك ايه نورتيني و اتبسط اوي انك جيتي انتي و شادي و طبعا هنا
علا….دي اقل حاجه اقدر اعملها اني اشاركك فرحتك و ان شاء الله الفرح يبقي احلي واحلي
سلمي…يارب يا روحي اوعي تتأخري يومها
علا…..لا طبعا مش هتأخر باذن الله هكون هناك قبل ما انتي تدخلي كمان
سلمي…..ابتسمت وضمتها هستناكي تسلميلي يا لولو
علا….حبيبه قلبي الف مبروك
سلمي…الله يبارك فيكي يارب
علا….شادي يلا
شادي….مبروك يا دكتور عقبال ما نيجي بقي نباركلكم في البيت
علا…ميرسي اوي يا شادي بجد نورت انت وعلا و اتبسطت انكم جيتوا
شادي…..يا خبر لو مش هنيجي ليكي انتي وحسان هنروح لمين بس ربنا يسعدكم يارب
حسان…..علا شكرا بجد علي اليوم الحلو اللي كمل بيكم ده
علا……علي ايه بس يا حسان مبروك ربنا يسعدك انت وسلمي يارب و نفرح بالنونو قريب
حسان…بابتسامه بص لسلمي يارب نورتونا
شادي…حبيب يا حسونه يلا يومكم جميل يارب مبروك يا حبايبي
حسان….حبيبي الله يسعدك
سلمي….ميرسي يا شادي باي يا هنون يا قلبي
هنا….باي يا لومي
حسان…مفيش بوسه لبابي و لا نمنا خلاص
ابتسمت هنا و باسته و باست سلمي
حسان…باي يا روحي
خرجوهم عند الباب ركبوا الاسانسير و نزلوا بص حسان لسلمي وابتسم و مسك كفها ودخلوا تاني
ليله…..خليكوا شويه يا اميمه متبقيش رخمه
اميمه…حمزه ونوح لوحدهم مرضيوش يجوا
ليله…..حمزه اخباره ايه معاكي
اميمه…..قلبي راضي عنك يا ليله هفضل اقولها لاخر يوم في عمري
ليله…بعد الشر عليكي
اميمه…..حمزه زي الفل ربنا يهديه ويبعد عنه الشيطان يارب مقضي وقته مذاكره و تمارين و كأنه اتبدل اينعم هو بصراحه مش مقصر في الاتنين بس حاسه انه زود اكتر
