لقاء كارثي
لقاء كارثي
رشيد…بضيق بسيط ماشي يا حبيبي
هتنامي
ايمي….اه روح بس يلا وانا هاجاي وراك
رشيدد..هي چوي نامت
ايمي….اه دخلت هشيل بس الحاجه دي و هاجي وراك
رشيد….استني بس اجيب المايه عشان متشيليهاش
ايمي….سيب كل حاجه عشان رجلك انا هشيل
رشيد…..تشيلي ايه انتي عبيطه وسعي كده
خرج علي بره جامد المايه كان ماشي بالعافيه فضي المايه و بعدين دخل علي الاوضه
راحت ايمي تشيل كل حاجه و ظبطت الدنيا و بعدين دخلت الاوضه لاقته مغمض وراح في النوم من التعب خرجت تاني علي بره ولعت سيجاره و مسكت موبايلها
ايمي…..ليله انتي صاحيه؟
لياه كانت مولعه سيجاره وعامله قهوه و قاعده علي البار و عشري جوه بياخد شاور كانت عماله تقطع في ورق من كشكول لاقته جنبها و عماله تلعب بيه و مركزه اوي اول ما ايمي بعتت و شافت الرساله اتصلت بيها علي طول
ايمي…ايه يا قلبي
ليله… انتي كويسه
ايمي…زي الفل لسه منمتيش
ليله….لا الساعه اتنين ونص مش بنام بدري انا في ايه
ايمي….ولا حاجه كنت عايزه اتكلم معاكي و قولت اشوفك نايمه ولا البلطجي مستفرد بيكي
ليله…بضحك لا البلطجي بياخد شاور و انا بشرب قهوه قوليلي بقي مالك
ايمي…رشيد تعبان اوي
ليله….تعبان ازاي رجله ولا ايه
ايمي…اه اه بس هو نايم يعني رجله مأريفاه جداو شكلوا فعلا تعبان حتي مش قادر يمشي عدل
ليله….هو ادام تعب بالمنظر ده يا ايمي لازم يعملها زي ما وليد قاله مش هيرتاح الا لو عملها دي بتبقي عامله كأن في ظلطه دخلت في الشوز اكيد مش هتعرفي تمشي الا لو طلعتيها بتوجع و بتزاول و بتاريف و هي كبيره مش صغيره
خرج عشري في الوقت ده قرب منها و سكت قعد جنبها يبص علي اللي بتعملوا بالورق وابتسم و مسك القهوه بتاعته شرب منها وبعدين ولع سيجاره
ايمي…انا عارفه هو المشكله انه لازم يريحها و انتي عارفه الوضع الحالي لا هيقدر يعملها قبل الفرح لان خلاص ثلاث ايام تقريباً اللي فاضلين و المشكله انه قاعد في مكان واحد ده بيلف بين المعرضين حسان كان بيشيل عنه معرض بس حسان غصب عنه و هو ميقدرش يقعد من غير ما يكون في حد بداله
و الفكره اني قولتلوا يعملها بعد فرحهم و قبل فرح ميدو بس برضوا الاسبوع ده حسان اجازه
ليله…..طيب مافي غير حسان الشباي كلهم موجودين
ايمي….مفيش غير فضل و عشري يا ليله ميدو هيبدا يتضغط تاني الاسبوع ده عشان تجهيزات الفرح و سلامه اجازه مع حسان
