لقاء كارثي

عشري…وانتي من اهل الخير

ليله….هكلمك لما اصحي عشان اقولك تجهزي هعدي عليكي علي العصر كده ماشي

ايمي….ماشي يا عمري باي

ليله…باي

عشري….ايه ده بقي ده فار بجد

بصتلوا ليله وضحكت

ليله…ايه رايك

عشري…انتي ليه مقولتليش علي حوار الورق ده قبل كده

ليله….. بابتسامه معرفش مجاش في بالي انا اصلا بقالي كتير اوي معملتش كده

عشري…..بس انتي عارفه تعملي بجد شكلوا حلو

ليله….لسه بقي لما يتلون

عشري….طب ده اختراع يعني ولا اتعلمتيها ازاي

ليله…لا مش اختراع زمان في حصة الرسم كنت في اعدادي المستر بتاعنا كام شاطر اوي وانا كنت بحب الرسم كان في حصص كده بيخلينا للهاند ميد و الفن والمحت قصه كبيره كده كان بيرسم علي الزلط و علي انا فاكره كان بيرسم علي الشبت بتاع السنفره عارف انت ورقة السنفره دي

عشري….اه عارفها

ليله…كان بيرسم عليها اشكال تجنن و بيعملها بالرمل والاسمنت بيحواها كانها صحراء وجبال كان شاطر جدا وكنت بحب حصته اوي و كنت في الفتره دي محتجاخا جدا من الحوارا اللي كنت بعاني منها بتاعت مياده صحبتي قكانت بتخرجني عن اي استريس… من ضمن الافكار دي بقي
الورق كان بيقولنا لما يخلص منكم كشطول او كراسه مترموهاش عشان نعمل حجات بالورق و الحقيقه ان دي من اكتر الحجات اللي كنت بحبها اوي بص انت بتاخد الورق تبلوا شويه بسيطه عشان يكون طري اكتر و تعرف تتحكم فيه فا لما يتبل و تيجي تشكلوا بيتشكل و كمان لما بينشف بيبان شكلوا اكتر و مش بيفك بتعمل بقي شكل الجسم زي كوره كده و بتتحكم فيها و حتي الملامح و هو الورق فيه ميه بتعرف تنحتها شويه و تاخد الشكل اللي انت عايزه و تسيبه ينشف بقي قدام مروحه او في الهواء عادي بس و لما ينشف بيتلون الوان مايه فلوماستر اي حاجه

عشري…..طب والله شاطره انك لسه فاكره اصلا هي فكرته نفس قكره الصلصال

ليله…يعني شويه بس الصلصال بيبقي طري يعني لو دوست عليه الشكل بيبوظ ده بيفضل ناشف خلاص انا كنت بحب الصلصال اوي بس ريحته بتضايقني

عشري…..طيب في حجات تانيه تقدري تعملي بيها بيتهيألي غير الصلصال كنت بشوف ولاد علي و عمر بيلعبوا بيها

ليله….بضحكه جميله انا فاشله في الحجات الجديده دي انا برضوا قديمه شويه

عشري…بابتسامه طب انا هبقي اشوفلك الحوار ده بس والله شكلوا يجنن اوي