لقاء كارثي
لقاء كارثي
رهف….طيب سيبكم من الهيبه الوقت هو سنجل ولا مرتبط
نسمه…..كان مرتبط بس فشكل
رهف…احسن برضوا عارف مصلحته
نعيمه…..يا بختك يا عم نادر
نجود…..مبسوطه يا فضيحه
رهف…ماهو طلع سنجل خلاص يا جوجو
نجود…يابت اخواته واقفين
رهف…بضحك طب ما يقفوا نوني سيبك منها ظبطيني مع اخوكي بس كاني معرفش ماشي
نعيمه….بضحك بس كده عيوني و الله يبقي يبخته
رهف….لا ده يا بخته اوي عروسه قمر اخر سنه في السن الماني
دمي خفيف مش نكديه فري يعني لو عنده صحاب بنات مش هخنقه
ايمي…..بضحك نعيمه وحياة امك اوعي تسيبيها دي تحفه
نعيمه…بضحك طب ايه طلباتك
رهف….بصي انا اهم حاجه يكون حمش كده و بيغير بيغير اوي يعني انا ابقي فري بس هو لا عصبي ويزعق كده بس طيب برضوا
سلمي….بضحك انتي مجنونه يا رهف والله
ايه…..بضحك عسل اوي والله بس انتي توكسيك يا رهف
رهف…والله مش توكسيك بس يعني نفسي كده ارتبط بحد ابقي مسؤوله منه بصي انا توكسيك اه
ضحكوا كلهم
ايمي…تعالي يا بت هاتي حضن
ضحكت رهف وحضنتها
نعيمه….رهف خلاص انتي بقيتي خطيبه اخويا
رهف….اشطا بس بقولك ايه اوعي تقوليلوا يعني لازم ببذل مجهود وانا اعمل نفسي ولا في دماغي متزعليش بس لازم اعذبه شويه
نعيمه…. بضحك حقك هخليه يجي يعترفلك
نجود….وانا هروح اقول لابوكي
رهف….ياستي قوليلوا ابويا حبيبي
نجود….طب بطلي رغي بقي وخلي البنات يقلعوا عشان نخرج هنقضي الفرح هنا
رهف….طيب يلا اقلعوا جوجو انا الحماله بتاعت البرا اتفكت و ركبتها بس مضيقاني
نجود….بضحك وريني طيب يلا يبنات اقلعوا
بدا البنات يقلعوا كان شكلهم يجنن و تحفه جدا فساتينهم كانت وهم
رهف بقت تعاكس فيهم و مبسوطه اوي و نجود كمان باصه لنعيمه بفخر كده اللي هو مرات ابني المستقبليه
ايمي قلعت و جوي خدت منها هي و امنيه و الچواكت
رهف كمان كانت عماله تاخد منهم الچواكت و بتساعدهم و بتتعامل بنيه صافيه جدا و سالكه و جميله
قربت ليله من نعيمه بهدوء رفعت ايدها كانها بتعدلها الفستان و همستلها
ليله…..اخرجي بكل ثقه كأن مفيش في المكان غيرك افردي ضهرك خليكي هاديه و رايقه في نفسك
نعيمه…بهمس طب شكلي حلو
ليله…..بأبتسامه سلامة النظر المرايا قربت تتكلم قمر طبعا
نعيمه…وانتي شكلك حلو اوي صاروخ و ربنا
ليله…..بضحك اسمعيني الموضوع يعتبر اتقفل اتعاملي بكل هدوء البنت جات وسلمت و باركت نثبت علي كده بس نثبت حضور
