لقاء كارثي
لقاء كارثي
وروح بليل خالص بعد ما قفلوا مع الشباب اللي بيشتغلوا معاهم و خدوا اجازه يوم الفرح و تاني يوم الفرح من الشغل .
في صباح يوم الفرح برضوا اليوم كان مضغوط نزلت ليله بدري شويه راحت عملت شعرها و قررت انها هتجهز من البيت و تعمل ميك اب
البنات عند امينه و عند نجود كانوا عمس ليله وصحابها متعودين يجيبوا حد في البيت يعملهم الميك اب و شعرهم لان اغلبهم عندهم اطفال
فكانوا هيتحركوا من البيت علي طول علي الفرح
رجعت ليله علي العصر عشري كان نايم
دخلت عليه الاوضه
ليله….يالهوي يا عشرررري انت لسه نايم
فتح عينه و بصلها
عشري….في ايه
ليله…..ايه يا قلبي كل ده الساعه داخله علي اربعه
عشري….طب اقوم اعمل طيب انتي مش هنا و مفيش شغل
ليله….قوم شوف اخوك خليك معاه شوف هيعمل حاجه محتاجك
عشري…..محمود اصلا انا اللي مصحيه عشان يروح للحلاق يظبط نفس
ليله….هو مكانش لسه حلق هو كمان هو ناسي انه العريس ولا ايه
عشري…ياستي لا حلق امبارح بس بيظبط نفسه بقي مسكات و شعر الحجات الهبله بتاعتنا دي
ليله…..بضحك امال احنا حجات ايه لما انتوا حجات هبله
عشري…بحب باسها حجات مسكره
ليله….بضحك طب قوم طيب شوفوا يمكن محتاج حاجه و بعدين هو مش هيروح لرحمه
عشري….يابنتي والله امبارح خلصنا حاجته كلها اديكي شوفتي انا طالع الساعه سبعه الصبح و بعدين رحمه في الفندق مع اهلها و صحابها محمود علي الساعه سته كده هيتحرك علي هناك
ليله….سته ده ايه دي الساعه اربعه مش هلحق اخلص
عشري……ما تخلصي براحتك انا ماسكك هو اللي هيروح و معاه عدي و سليم و كام واحد من صحابه و بعدين هو لسه هيعمل سيشن و يتصور قبل الفرح اصلا الفرح هيبدأ 8
ليله…. ايوه يعني انت واخواتك مش هتروحوا معاه
عشري…..هو انتي اتعديتي من البت ايه بقيتي زنانه ليه
ليله…..الله مش بفهم
عشري…..لا ياستي امي و ابويا و اخواتي و كلهم تحت هيسبقوا هيروحوا بعد محمود علي طول عشان يكونوا هناك و يستقبلوا الناس احنا هنروح لما تخلصي
ليله…..انت بتهرج كده محمود هيزعل منك يعني انت الوحيد اللي هتروح متأخر
عشري….يعني اسيبك وامشي
ليله….اه عادي روح مع اخوك وانا هخلص واجي
عشري…انتي عبيطه يا ليله و بعدين انا اصلا مضطر اقعد عشان محمود عايز كده
ليله….يعني ايه عشان محمود عايز كده
