لقاء كارثي

سلامه….بضحك خلاص روح و اتكل علي الله من الاخر انتي دخلتي برجليكي

ايه…..بأبتسامه وانا موافقه

سلامه…..بنظره حب أيه انا مبسوط اوي

ايه….بضحكه جميله بجد

سلامه…..والله العظيم انا كنت مبسوط وفرحان بس مكنتش متوقع احساس الفرحه نفسه مش عارف افهمك ازاي بس لما مثلا بنتجمع كلنا ونضحك بنبقي مبسوطين لو خرجنا وغيرنا جو بنتبسط بس ديما في فرحه معينه بتخلق كده جواكي احساس غريب بيخلي قلبك اللي فرحان و انا قلبي فرحان اوي

ايه…ابتسمت بتأثر فظيع و انا والله العظيم مبسوطه اوي و فرحانه جدا و فرحانه اكتر عشان الفرحه اللي شفتها في عينك دي يمكن اول مره احس انك بجد فرحان من قلبك

سلامه……عشان بقيتي مكتوبه علي اسمي يا احلي بومه في حياتي

ايه….بسعاده انا بحبك اوي يا سلامه و مش بحبك اللي هو بحبك لا بحبك يعني بحبك فاهم حاجه

سلامه….بضحك فاهم طبعا لان اللغبطه دي انا متلغبطها زيك بالظبط

ايه….بابا صعبتن عليا اوي

بص سلامه علي احمد كان قاعد مع حماده وعادل و فضل وميدو بيتكلموا

سلامه…..معلش غصب عنه انا حاسس بيه والله العظيم كنت بستغرب الاب اللي يعيط او يبقي حزين لما يجوز بنته انا حالتي كانت نفس حالته لما مجمود فاتحني بس علي موضوع ريهام اتصدمت صدمه لدرجه اني شكيت لو متكلمتش محمود هيفكر اني رافضه او مش حابب بس والله العظيم يا ايه الكلام مكانش طالع و حتي وقتها قولت لرشيد وعشري قولوا اي حاجه اتكلموا لحد ما اجمع

ايه….بضحك كان نفسي اشوفك انت وميدو اوب في الموقف ده

سلامه…زي ما بحكيلك كده الكلام وقف والله ميدو بقي اللي جاي عليه عمال يعرق و يسحب في مناديل بصي هو مفيش شك ان حمودي فرحان من قلبه و اكيد واثق فيا انا وحسان بس فكره ان راجل غريب يجي ياخد بناته كده علي الجاهز متعبه بصراحه فا انا حاسس بيه جدا و مضايق عشانه و في نفس الوقت فرحان و بحاول اداري فرحتي منه مش عايز اضايقه بس شهادة حق ايه الراجل ده انا مشوفتش زيه

ابتسمت ايه بهدوء

ايه….بابا والله العظيم يا سلامه الحنيه اللي جواه صعب تكون في راجل متفهمنيش غلط بس اقصد ان حنيته كا اب

سلامه….فاهم طبعا و انا نفسي بقولك انا مشوفتش زيه بصي يا أيه ابويا ده حبيبي و ربنا يخليه ليا و يديه الصحه و ربنا يعلم انا بحبه قد ايه بس انا كنت اتمني ان ابويا يبقي زي حمودي و بيتهيألي لو كان زيه انا كنت هعيش حياتي كلها ضهري مفرود