لقاء كارثي
لقاء كارثي
قربت والدتها منها و ابتسمت لليله
رحمه….ماما سلمتي علي ليله
والدتها….طبعا هي والبنات وعرفتني عليهم انا بشكرك علي اللي عملتيه معانا امبارح
ليله….ياست الكل معملتش حاجه والله
والدتها…..لا والله ده انتي ذوق و جميله
ليله….حبيبه قلبي انا نبسوطه ان رحمه هتيجي البيت بدل ما انا قاعده فيه لوحدي
والدتها…..انتي منوراه خدي بالك منها والنبي
ليله….دي في عيوني يا ست الكل متقلقيش عليها
نزلت دموع والدتها و عيطت
ليله….لا لا بلاش كده
ضمتها ليله و دمعت رحمه
ليله….خلاص بقي رحمه هتعيط و الميكب هيبوظ افرحي بلاش عياط
وانتي متعيطيش
والدتها….رحمه دي نور عيني اللي بشوف بيها مليش غيرها هي واختها الصغيره
ليله….ربنا يخليهملك يارب و يفرحك بيهم متخافيش عليها دي وسط اهلها و بعدين انا معاها في البيت
والدتها….الله يسعدك و يجبر بخاطرك يارب رحمه طيبه اوي و حنينه والله هتحبيها و هتبقي زي اختك
ليله….هي بقت زي اختي خلاص و بحبها والله اطمني عليها و ابقي فكريني اديكي رقمي عشان اي وقت تتصلي عليها و متردش انا هطمنك عليها
والدتها…اه ياريت والنبي
ليله….عيوني ليكي حاضر
انتي هتفضلي قاعده كده قومي ارقصي يلا و اتبسطي
رحمه….بضحك مفيش حد يرقصني كلهم قاعدين
ليله…ياسلام نرقصك احنا استني هجيبلك البنات كلهم الوقت و قومي يلا متقعديش كده
رحمه…بضحك حاضر
والدتها….ربنا يفرح قلبك يارب
ابتسمت ليله وطبطبت علي كتفها
وراحت تقوملها كل البنات
ليله….ساره ملك قوموا يلا رقصوا رحمه متقعدوش كده
ساره… بابتسامه مش بعرف ارقص
ليله….رقصوها هي يلا قوموا متسيبوهاش لوحدها يلا يا كارين
بنات قوموا انتوا كمان يلا اقفوا معاها
قومت البنات كلهم و خدوا رحمه رقصوها واتبسطوا معاها و هي راحت ولعت سيجاره مع ايمي وقعدت
ايمي….بضحك قومتي العيال وقعدتي
ليله…بضحك هم*و*ت واشرب سيجاره بمزاج مش لاحقه اشرب و بعدين صعبت عليا قاعده كده و ساكته محدش بيرقصها
ايمي…..بس جميله رحمه ملامحها حلوه اوي
ليله…اه تجنن و طيبه اوي يا ايمي هي و مامتها
ايمي….مامتها اللي ماسكه عكاز في ايدها صح
ليله….اه هي عماله تعيط صعبت عليا
ايمي….ربنا يسعدها يارب شكلها مبسوط
ليله…اوي هي و محمود بيحبوا بعض من زمان
ايمي…..محمود لايق عليها اوي
