لقاء كارثي
لقاء كارثي
سلموا البنات علي بعض و سلموا علي الشباب كان معاهم حنان و ريهام و مصطفي و عادل و تامر و زوزو ومحمود وامنيه وعمرو كمان كانوا معاهم و طبعاً نغم مع البنات
باركوا لعشري كلهم و بعدين دخلوا مع بعض القاعات بتاعت الفرح كانت في الدور الثالث باب كل قاعه كانت قصاد التانيه لحقوا الزفه علي اخر دقايق عشري دخل قدامهم وليله في كفه مش سايبها و الشباب كل واحد داخل ماسك كف بنت فيهم شكلهم كلهم كان يجنن ..
عشري قرب من محمود و رحمه حط كفه علي ضهره لف محمود اول ما لمح عشري ابتسم بسعاده و خدوا بعض بالحضن
عشري…..مبروك يا حته من قلبي
محمود…..بسعاده الله يبارك فيك يا اخوي
عشري….ربنا يچعلها چوازه الدهر مبارك يا زينة الشباب
محمود…الله يسعد ويخليك ليا
عشري….مبروك يا غاليه
رحمه….بأبتسامه ميرسي يا محمد الله يبارك فيك
ليله سلمت علي رحمه و دخل الشباب كلهم سلموا علي محمود و البنات سلموا علي رحمه و ليله عرفتها عليهم كانت زي القمر و شكلها يجنن هي كمان رحاب لمحت نعيمه والبنات من بعيد بس فضلت مكانها قربت ليله من امينه و ساره وملك و كارين سلمت عليهم امينه خدتها في حضنها اوي و سلمت علي البنات كانت مبسوطه ان كلهم جم سلمت علي زوزو وحنان و رحبت بيهم جدا
عشري…..رايحين فين
سليم…..البنات وصلوا
عدي….وليد بره هنجيبهم
عشري…طيب يلا روح
فضلوا واقفين معاهم في الزفه و ليله واقفه مع البنات
نادين…..انا عايزه اشوف شكلكم
نعيمه…..بضحك انا فضيحه
ايمي…..بضحك كلنا فضيحه الله يفضحكم بس شكلكم اصلا من قبل ما تقلعوا قمر
قربت نجود بابتسامه تجنن حضنت نعيمه و سلمت عليها و سلمت علي ليله والبنات
ليله….ايه القمر ده يا جوجو
نجود….قمر ايه بس امال انتوا ايه
مبروك يا بنات علي كتب الكتاب
امينه…. ايوه صح حقكم عليا نسيت اباركلكم و غصب عننا مجدرناش نيچي والله
سلمي….بابتسامه عارفين والله الله يكون في عونكم مبروك يا طنط لمحمود
امينه…الله يبارك فيكي مبروك يا حبايبي ليكم انتوا ربنا يجعلها جوازه العمر كله
سلمي…الله يبارك في عمر حضرتك
ايه….الله يبارك في حضرتك
ايمي…الفرح بقي مفيهوش اعذار يا امونه انتي وجوجو لازم تيجو
امينه…باذن الله هاجي طبعا خلاص خلصت
نجود…انا معاكم خلاص اي فرح خدوني في ايدكم
