لقاء كارثي
لقاء كارثي
ايمي….ماشي انا عايزه اريح رشيد بس كمان مش عيزاك تشيل كل حاجه علي دماغك
عشري…..مفيش كل حاجه الموضوع بسيط متقلقيش انا هعرف اظبطها و القصه كلها في اسبوع سهله يعني المهم انه يبقي بخير اصلا لو عملها حتي لو ارتاح في يومين تلاته مينفعش ينزل و هي لسه مفتوحه كده رشيد لا محتاج جزمه وشراب ولا محتاج وقفه ولا محتاج انها تبقي مكتومه خصوصا ان الجو بقي رخم يعني لازم يفضل الاسبوع ده مريحها عشان لما نسافر يقدر يسافر هو انهارده طول اليوم مأريف اصلا
ايمي ….اه جدا و الله صعبان عليا و مش عارفه اعملوا حاجه
رشيد….متقلقيش هيبقي كويس ان شاء الله احنا بس نعدي اليومين دول و تاني يوم الفرح هنتفق مع وليد انا وهاجي اخده و نعملها ونخلص
ايمي…..بس اسمع لو قالك بعدين او انا كويس او اجل شويه متسمعش كلامه رشيد عامل زي العيال الصغيره وخايف بجد اه عايز يعملها عشان يرتاح بس هو خايف
عشري…لا متقلقيش هتفق مع وليد من غيرما اعرفوا و هاجي اخده من قفاه و احطه تحت الامر الواقع
ايمي….احسن برضوا
عشري…اطمني ان شاء الله خير
ايمي….عشري متزعلش انا اسفه والله مش قصدي اتدخل في شغلكم او نظامه بس انا مش قادره اشوف رشيد كده واسكت هو اصلا مش عارف يعمل ايه
عشري….هو انتي عبيطه يا ايمي اسفه ايه بس انا قولتلوا انهارده لازم يعملها بعد الفرح اصلا قولتلوا نروح نعملها بكره بس هو مش راضي قالي مفيش وقت و لسه عايزين نشتري بدل و حجات مش هيعرف فا حقك متقلقيش الدنيا تمام اطمني
ايمي…..ماشي يا عشري يلا روحوا بقي انا عطلتكم
عشري….بضحك عطلتبما عن ايه بس الهبله صحبتك عماله تعمل حاجه بالورق انا مش فاهمها بتلعب
ايمي…..بضحك بتعملي ايه يا لولي
ليله….بضحك وهي مركزه بعمل فار
ايمي….فار ازاي
ليله….بضحك بالورق والمايه
ايمي…اااااه انتي رجعتي للهبل ده تاني و ملاقتيش غير الفار يا معفنه
عشري….بصحك استني بس هو انتي عارفه هي بتعمل ايه ؟
ايمي….بضحك اه صحبتي فنانه بتعمل الورق في الميه و بتشكلوا علي اي شكل هي عيزاه و بعدين بتلونوا
عشري….بضحك انا اول مره اشوفها بتعمل كده اصلا
ليله….بضحك انا بقالي زمن اصلا معملتش كده
ايمي….لا روح اتفرج عليها هتتبسط
عشري….ماشي يا ستي
ايمي…يلا تصبحوا علي خير باي يا لولي
