لقاء كارثي

ريهام…ايه مش عاجبك

محمود….لا عاجبني و منطقتش بس ايه الصدمه دي

ريهام…. بضحك ااا لا بعيدا عن الهزار يعني هو صحيح مش بعرف اكون رومانسيه او مش متعوده بس بجد انا بحبك اوي

محمود….بابتسامه و انا بحبك اوي والله العظيم

قرب منه سلامه و مثطفي و عسال

عسال….طب ايه يعني ما احنا بنحبها

بصتلهم ريهام بصدمه و اتكسفت اوي بس بقت ميته من الضحك

سلامه….اه مجبتش حاجه جديده تبهرها بيها يعني

مصطفي…هتعمل فيها حبيب هنعمل فيها مسجلين خطر خد بالك

محمود….بضحك استهدوا بالله بس يعني كلمه حلوه كده بنمشي بيها حالنا بقي في دبل وبتاع

عسال…..اهلا وسهلا بالدبل

سلامه…..ما نتكل علي الله يا سكر عشان هنزعلك

ايمي…..بضحك بتتلموا علي اخويا
يا اوطي من الرصيف

محمود…يضحك انا غلطان رومانسيه ايه وبلاء ازرق ايه ابو الرومانسيه علي اللي عايزها دي العيله كلها لاسعه

ريهام…. بضحك عاجبكم كده استني يا محمود

محمود….يلا بلا محمود بلا بتاع

سلامه….بضحك خد يلااااا

عسال….بضحك طب خلاص تعالي هقولك

محمود…..ريهام همسح رقمك

مصطفي…..الجوازه باظت الجوازه باظت

كلهم فضلوا يضحكوا و بعدين سلم محمود عليهم و كلهم سلموا علي بعض و اتحركوا بالعربيات وراء بعض.

…………………

اليوم انتهي و جه تاني يوم اللي قبل فرح محمود بيوم.

اليوم ده كان بيعدي بسرعه فظيعه و كله مشغول و عنده الف حاجه يعملها

عشري وفضل واخواتهم كانوا مشغولين طول اليوم بين شغلهم و تظبيط المكان في زايد زي ما عملوا بالظبط في فرح عشري انوار ومظاهر احتفال

نسمه وتقي نزلوا مع بعض يجيبوا اللي ناقصهم

نغم و ايه نزلوا مع بعض يجيبوا فستان لنغم لانها مكانتش عامله حسابها تروح فرح محمود

سلمي راحت مع حسان تجيب كل حاجتها من السوبر ماركت

ليله نزلت من بدري علي المطعم

سلامه كلم حسان و عرف منه انه بيشتري حاجه البيت و اقنعوا انه هو كمان يجيب و يخلص عشان مفيش وقت عدي علي ايه ياخدها هي و نغم بس نغم مراحتش معاهم و كانت مصممه ترجع و قالت ان في حاجه في البيت لازم تعملها

اليوم كان مضغوط علي الكل و يادوب بيتصلوا يسألوا علي بعض سؤال سريع و يقفلوا رحاب طبعا راحت في نفس اليوم محبتش تروح قبلها مع نجود اتحججت بحجات محتاجه تخلصها و راحت علي المغرب كانت في الاول متردده بس قررت تعمل زي ما نجود قالتلها و تروح فضل طبعا مشافهاش خالص كان مشغول طول اليوم في الشغل