لقاء كارثي

ليله….اسالي طبعاً

ايمي….انتي اكتر من مره تقولي انك مش عايزه تحملي علي طول و عادي انا مقدره انك حابه تتبسطي اطول وقت ممكن مع عشري من غير مسؤوليه بس هو انتي بجد يا لولي مش حابه تحملي يعني الوقت

ليله….بابتسامه رفعت نفسها و بصتلها ليه بتقولي كده

ايمي…..من الاخر انا خايفه يا ليله تكوني بتاخدي مانع حمل من وراء عشري يعني لو حابه تأجلي الحمل براحتك طبعا بس في اكتر من طريقه تمنعي الحمل بيها غير الحبوب لانها مع الوقت غلط و لما تمنعي الحمل وانتي مسبقش ليكي الحمل قبل كده بتاثر عليكي غير اي ست اتجوزت وحملت اكتر من مره و الرحم بتاعها اتهيأ للحمل كذا مره

وبعدين لو من وراء عشري يا ليله عشري لو عرف هتبقي مشكله بس لو عارف و موافق في طرق تانيه افضل

ليله….بضحكه هاديه مسكت كفها متخافيش يا ايمي انا اولا مستحيل اعمل حاجه زي دي من غير ما عشري يعرف لانه حتي لو عرف اني بعمل ده عشان افضي ليه او اتبسط معاه برضوا هيزعل اني عملت ده من وراه ثانياً انا صحيح كنت بقول اني مش حابه الحمل يحصل علي طول بس لو حصل مش هبقي مضايقه بالعكس انا اكيد عايزه احمل ويبقي معايا حته من عشري و يمكن كمان بعد اول بريود جاتني مش هكدب عليكي اضايقت اه كنت بقول استني بس لما جات معرفش ليه اضايقت و كان نفسي احمل
ولما جاتني تاني برضوا اضايقت و لما جاتني من اسبوع كده ونزلت يوم اضايقت هو انا مش مجنونه بس حقيقي وانتي بنت بتبقي مبسوطه بحاله الحب اللي انتي عيشاها و مش عايزه حاجه تدوشك او تعطلك عن الحاله دي و بتحسي ان موضوع الحمل مش فارق معاكي و عادي انه يتأخر كام شهر بس لما بتتجوزي مشاعرك بتتغير لوحدها و فجاه بتبقي حاسه انك عايزه تبقي ام و بتزعلي لما البريود تنزل

ايمي….بابتسامه تأثر حست اوي بليله بصي اولا متحطيش الموضوع في دماغك ولا تفكري فيه و لا تزعلي لما البريود تنزل لان انتي لسه عروسه مفاتش وقت طويل علي جوازك يعني افرحي و اتبسطي و عيشي مع عشري احلي ايام بس انا سألتك عشان خوفت تكوني بتعملي كده و حبيت انبهك ان موانع الحمل كلها و انتي لسه متجوزه هتأثر عليكي

ليله….انا مش باخد حاجه ورحمه امي يا ايمي و لا عمري فكرت اني اخد حاجه حتي لما كنت بقول مش عايزه احمل الوقت يعني متقلقيش و كمان انا مش زعلانه و لا حاطه الموضوع في دماغي زي ما انتي متخيله انا بس بحكيلك شعوري مش اكتر