لقاء كارثي
لقاء كارثي
رشيد….لا مش شرط يعني بروح هنا شويه اقعد حبه و اروح التاني ده لو حسان مش موجود بفضل رايح جاي بين المعرضين بس لو معايا هو بياخد واحد وانا بروح الجديد وبنفضل موجودين هناك طول اليوم
عموما متشغليش بالك انتي انا هشوف هعمل ايه و ان شاء الله نلاقي حل
ايمي….مشغلش بالي ازاي وانت كل يوم بتتعب اكتر رشيد انت مش عارف تحط رجلك علي الارض و بعدين وجع رجلك مأريفك جدا
رشيد…..لا يا روحي انا زي الفل والله
اطمني
ايمي…كده انا صدقتك يعني
رشيد… بابتسامه و الله انا تمام بصي انا الفتره دي هحاول ملبسش اي جزمه او كوتش هو صحيح انا مش متعود امشي بشبشي او صندل بس هحاول
ايمي…لا مش وقت شياكه خالص البس ان شالله تلبس كوركس في رجلك علي فكره هي تعباك اكتر لانك زانق عليها البس حاجه مريحه اكيد وجعها مش هيبقي نفس الوجع
رشيد…..حاضر وليد قالي بكره هيجيبلي البتاعه الطبيه دي
ايمي…..ماشي طيب افرد بقي كده احطلك كريم و متخافش هحط براحه
رشيد…ما بلاش كريم كده كده هنام و هيتمسح و هبهدل الدنيا
ايمي…..لا زوزو القرده قالتلي طريقه كده بص هحطلك الكريم و هنقطع حته صغيره اوي من الاسترتش بتاع الاكل نلفوا عليها و بعدين البس شراب الكريم هيفضل وقت طويل مش هيتسمح
رشيد…بابتسامه شاطر زوزو ماشي بس براحه والنبي
ايمي….متخافش والله يا روحي
نشفت رجله تاني كويس و بعدين حطتلوا كريم و قطعت الاسترتش لفتوا بهدوء علي صباعه و لبستوا شراب
ايمي….كده كويس
رشيد…..اووووووف ايمي اغسلي ايدك بسرعه احسن تتعدي
ايمي….اهدي متخافش
رشيد…مخافش ايه انا نسيت والله العظيم يا ايمي يا ايمي قولتلك بلاش
ايمي…اهدي شويه في ايه بلاش وسوسه هم*و*ت يعني عادي وبعدين هي مش معديه
رشيد…طيب قومي بس اغسلي ايدك وعقميها كويس
ايمي….بضحك حاضر يا موسوس
قامت ايمي راحت غسلت ايدها وراح وراها فضل واقف يبص عليها
رشيد….حطي ديتول تاني
ايمي….بضحك حطيت خلاص و غستلها بطل جنان
رشيد….عارفه انا مضايق ومأريف من حوار انها تكون معديه اكتر من انها بتوجعني
ايمي….لا مش معديه والله هي بقالها اكتر من شهر طلعالك و محدش فينا كان مركز معاها و حاجتك بتتغسل عادي لو معديه كنا كلنا اتعدينا وانت كمان كانت نطرت في رجلك طلعها بقي من دماغك عشان الحجات دي نفسيه علي فكره و انت بسبب اللي انت عامله ده نفسيتك هتتعب و هتخليها تنطر ممكن تهدي بقي و تنساها خالص
