لقاء كارثي

حسان….بأبتسامه لا خالص اصلا في اي اجازه بياخدها احمد من شغله بيسافروا بره ماليزيا تايلند تركيا و والدتها بتروح معاهم و اوقات لو مش عارف ياخد اجازه مراته بتاخد والدتها و الولاد و بيسافروا يعني مش قصه لازم يسافر بيهم او يقعد معاهم بصي من الاخر كده اوقات بحس ان احمد اتعود علي عدم وجودنا يعني خلاص قفل حياته علي مراته و حمانه و ولاده وشغله و شويه المعارف الاي عملهم وخلصت كده فا انا كنت بضايق الاول بس مبقتش ادقق معاه بصراحه و لا بقيت ازعل المهم انه بخير وخلاص انا بس اللي بيصعب عليا امي و ابويا غير كده لا

سلمي…..معلش يا عمري برضوا متزعلش منه هو جايز مش مدرك ان عدم وجوده فارق معاكم اوي كده بس اكيد في بوم من الايام هيفهم ده

حسان…بالعكس انا مش زعلان انا بحب اسيب كل واحد علي راحته و انا في حياتي يا سلمي مش بقتنع خالص بفكرة الظروف والضغط و المسؤوليه صدقيني عن خبره و تجارب كتير اللي حابب يكون معاكي هيكون اللي الدنيا كلها فوق دماغه و المسؤوليه فرمااااه هيخلقلك وقت

انا لو في اخر الدنيا يا سلمي و بشتغل وعندي حياه و عرفت بس ان حد من اللي بحبهم محتاجني في فرح في حزن هسيب اللي في ايدي و هجري عليه حتي لو هسيب شغلي او هأثر عليه

سلمي…طيب مش يمكن انت بتقول كده عشان مجرتش تضغط زيه او تتغرب

حسان…بالعكس انا هنا اللي مضغوط مش هو عارفه لو انا مثلا عارف ان احمد شغله صعب كله ضغط ظروفه علي قده فا بيحاول ميخسرش شغله بشوف انه من البيت للشغل و حياته مقفوله اوي هقول ماشي حقه

انما احمد مش كده احمد كل ست شهور بيسافر يا سلمي ماشاء الله شغله كويس جدا وانا عمري ما هشوف اخويا محتاج و هسيبه بالعكس بس هو شاطر و ماشاء الله شكله كويس و انا عارف حياته ماشيه ازاي فا انا ادري منك في دي هو خلاص سستم حياته علي كده

سلمي….هو اخر مره نزل امته

حسان…من سنتين ونص اي وقت بقي بيسافر فيه يروح اي مكان تاني حتي امي تقول ا طيب ما انت هتسافر و واخد اجازه انزل مصر يقولها ما عشان مراتي و عايزين يروحوا مش عارف فين انا اخر مره قولت لامي بطلي تقوليلوا انزل هو لو عايز ينزل ينزل سيبيه علي راحته

سلمي…هي غصب عنها برضوا يا حسان دي ام

حسان…عارف بس تاعبه نفسها علي الفاضي يا سلمي و هو ده اللي بقولوا اللي عايز يبقي معاكي هيخلقك وقت فا مبالك بامي بتتحايل عليا اقنع مراتي اننا نغير السفريه عشان تشوفني انا عارف ان مراته ليها حق عليه بس علي الاقل مش كتير علي امه يومين تلاته و يرجع تاني يكمل سفريته اللي مضايقني بجد انه لما بينزل مصر اصلا و يجيلنا في وسط كلامه كده يقول اصل ماما قالت خلونا ننزل مصر يقصد حماته يعني انت جاي عشان حماتك اللي قررت فهمتي الدنيا ماشيه ازاي بقولك ايه انسي انا مش عايز اضايق نفسي بحاجه زي دي الله يساهله و يسعده يارب