لقاء كارثي

عسال….بضحك مش مهم ادام اتبسطتي مش عايز اعرف

نادين…..بضحك يا رخممممم

عسال…بضحك انتي بتستفزيني عشان اقولك اي حاجه بس انتي عبيطه مش قادره تعرفي اني بجد كل اللي فارق معايا اشوف ضحكتك دي ايه بقي اللي ضحكك و مين مش مهم

نادين….بصتلوا بابتسامه تجنن بتحبني يا ميدو

عسال…بصلها بصدمه وابتسم يااااااه ده ايه السؤال ده انتي عارفه يا نادين انك اول مره تسأليني السؤال ده

نادين…. بابتسامه اه و اول مره ابقي نفسي اسمع إجابته مع اني مش محتاجه اثبات بس معرفش سألتوا ليه

عسال…..طيب بصي انا مش عايز اقول كلام كبير او كلام شعارات بس انا هقولك جمله بسيطه تعرفك اهميتك عندي نودي هو في حد يقدر يعيش من غير ما يتنفس

ابتسمت نادين بحب و هزت راسها بلا

عسال….بنظره تجنن و انا بتنفسك يا نادين و مقدرش اعيش من غيرك

نادين….بسعاده و انا بحبك اوي يا ميدو

عسال…..باس كفها عارف يا قلب ميدو

نادين….طب قولي بقي انت ايه اللي خلاك اسمر كده انت نزلت البحر ولا ايه

عسال….بحر ايه بس هو كان في وقت اكل حتي انا كنت بسابق الزمن بعمل ميت حاجه في وقت واحد و بعدين الجو هناك برد اوي البحر تلج هو الصبح الجو حلو مش حر بس في شمس فاهمه و انا بقي كنت باخدها من اولها انزل الصبح اخلص كل اللي بعملوا اقعد مع التيم اجهز حاجه و نقعد نشتغل عليها و يفضلوا يصمموا لحد ما اقول بس هي دي

نادين…..بس اسمريت خالص هو مش خالص خالص يعني بس باين علي بشرتك

عسال……كأني عامل تان تمشي يعني

نادين…. بضحك لا هو عموما اللون تحفه عليك

سمعوا صوت رنة ضحكه نعيمه بصوا كلهم و البنات والشباب ضحكوا كانت واقفه مع مصطفي و اخواتها و تقي وعدي و الشباب الصغيرين كلهم و طبعا مصطفي و ريهام مش ساكتين

بصلها فضل بصدمه و همس وهو قاعد جنب ابوها.

فضل….با بنت الجزمه

بصتلوا نعيمه من بعيد وهي بتضحك

حط ايده علي دقنه و استحلفلها

فضلت تضحك .

………….

حسان…..اتفقتي مع البنات يا قلبي علي الفرش ولا لسه

سلمي…اه اتفقنا خلاص يوم 11

حسان…طب ليه بعيد كده يعني في بكرهو في تاني يوم فرح محمود

سلمي….بكره غالبا محدش فينا هيقدر في لسه عندهم حجات بيخلصوها و بعد بكره فرح محمود

حسان….طيب بعد فرح محمود عشان يبقي في وقت متنسيش ان في فرش ايه كمان