لقاء كارثي

زقت ليله تقي و نغم و رهف ونسمه وسطهم ورقصتهم

مسكت تقي ايد رحمه و رقصوا مع بعض

شويه ودخلت معاهم ريهام وايه

و بقي الفرح يجنن و قلبوا البنات الفرح بروحهم الحلوه و بهجتهم و جمال قلبهم والده رحمه و اهلها كانوا مبسوطين اوي خلوا الفرح بجد يجنن و لولا وجودهم مكانش الفرح هيبقي ليه طعم

قربت ليله مسكت ايد رضوي ورحاب و خدتهم رقصتهم مع نعيمه و نجود

كانت حابه تكسر اللي حصل بينهم و يتعاملوا عادي و الحقيقه انهم كلهم اتبسطوا واندمجوا و رحاب فكت كتير من كسوفها وتوترها

نجود ابتسمت لليله و بعدين مسكت رحاب ايد نعيمه و رقصت هي وسطهم هي كمان كانت بتحاول ترجع كل حاجه زي ما كانت

مسكت نعيمه ايد رحمه ودخلتها ترقص وسطهم مع نجود

امنيه….بضحك هم*و*ت من ليله هربت من الرقص و عماله تدخل كله يرقص

ايمي…الكل اتجنن و مصدق

سلمي….بضحك تحسي الكل كان مكبوت ومصدق ليله قومته

ايمي….بضحك والله نسوا مكبوته بس الواطيه اللي هربت دي مرقصتش ملحقتش اصورها

قربت ليله وهي ماسكه ايد امينه بالعافيه دخلت وسط الدايره ترقصها مع رحمه اول ما ساره و ملك و كل البنات لقوها بترقص فضلوا يصوتوا و يشجعوها

رقصت امينه معاهم بس رقص هادي خالص يادوب ماسكه ايد رحمه. رقصت معاها شويه وبعدين ضمتها اوي و فضلت تطبطب علي ضهر رحمه

امينه….الله يسعدك يا بنتي مبروك يا جلبي

رحمه…الله يبارك فيكي يا امونه

ايمي….جوجو يا جوجو

نجود….ايه يا قلبي

ايمي…هاتي اللي هربت منكم دي و مش بترقص

نجود…اه خدت بالي استني عليا

راحت نجود قفشت ليله ايمي فضلت تضحك و عمالين يتخانقوا مع بعض و بيضحكوا و بعدين مسكتها في ايدها و قالت لايه تروح تجيبلها اغنيه حلوه

ليله….بضحك جوجو خليكي جدعه و اعتقيني لوجه الله انا رقصت

نجود….ولا رقصتي ولا حاجه والله لا ترقصي

ليله….بضحك ما تشوفي حماتك دي

نعيمه….ارقصي متبقيش رخمه بقي و الله هيقعدوا تاني لما مشيتي

شغلتلها أيه اغنيه ده عينه مني

بصت ليله لايه و ضحكت

ليله….اه يا جزمه قديمه

نجود…يلا والله ما هتمشي

ليله…..بضحك خلاص والله هرقص بس هقول لعشري عمتك رقصتني

نجود….انا هقوله و يبقي يتكلم عشان اخلي يومه مهبب

ضحكت ليله و البنات و وسعولها كلهم قربت ليله بدلع و مسكت ايد رحمه رقصت معاها و بدات ترقص بهدوء و دلع و تغني بدلع و بعدين سابت ايدها