لقاء كارثي

ليله….بسعاده معلش هو بس الشيطان عدي جنبه شويه بس خلاص راح لحاله خفي عليه يا اميمه عشان خاطري حمزه ماشاء الله عليه يجنن بس وارد يغلط ده شاب و ده سنه خديه براحه و ياريت اتمني اي غلطه تاني تحصل منه حتي لو كانت في مذاكرته اللي بتصوتي منها من غير سبب متقزليش لحد ولا حتي انا حلي معاه كل حاجه بينك وبينه بس لا تقولي لوليد ولا مها ولا ليا ولا لاي حد متخليش حمزه يحس انه عيل صغير مش راجل و بتشتكي منه للي رايح واللي جاي و بلاش تعملي كده قدام نوح حمزه شايف نفسه بقي راجل وهو حقيقي بقي راجل بلاش تصغري منه قدام اخوه الصغير خديه في حضنك هو اصلا بيحبك اوي و بيخاف علي زعلك ولو ياستي حصل حاجه منه معرفتيش تحليها لوحدك قوليلي انا بهدوء و بلاش الميكروفون اللي بتمسكيه ده

اميمه…بيطلعني عن شعوري سعات يا ليله و بحس اني مش عارفه افهم دماغه

ليله….ياستي لما تغلبي خالص في فهم دماغه كلميني انا و انا هصغر دماغي لدماغه غير كده متقوليش ولا حتي ليا

اميمه…..حاضر يا نور عيني ربنا يسعدك ويراضيكي و يخليلك جوزك ويريح بالك وقلبك

ليله….ضمتها و يخليكي ليا يا ست الكل بوسيلي الولاد كتير

اميمه….حاضر يوصل

ليله…تعالي اسلم علي قمر و احمد وسامح

اميمه…يلا تعالي

قربوا منهم عشري كان واقف معاهم

ليله…. بضحك خلاص عينك بتققل زي الكتاكيت

قمر…..بضحك ما انتي عارفه مليش في السهر

ليله…. بابتسامه ماشي يا ستي علوشي حبيبي هات بوسه

سامح…..بضحك علي ودع هو وعمر خلاص

ليله….يا نااااس علي حبايب قلبي انا اللي نايمين علي نفسهم

عشري…..عقبال حمزه يا ام حمزه

اميمه…..في حياتك يارب عقبال ما افرح بعوضك انت وليله يارب

عشري….بابتسامه يارب يا ست الكل

احمد…عايزه حاجه يا ليله

ليله…عايزه سلامتك يا غالي علي مهلكم بقي

سامح……يلا سلام عليكم

عشري…عليكم السلام في حفظ الله

ليله….عليكم السلام كملت بضحك حضر نفسك يا سامح وانت مروح عشان هتطلع شايل التلاته

سامح….بضحك ولا اقدر هسيبها هي و ولادها في العربيه يصحوا الصبح براحتهم بقي

ضحكوا كلهم و فضلوا واقفين معاهم لحد ما نزلوا

عشري…..لولي انا عايز ادخل الحمام مش قادر من الصبح

ليله….بابتسامه ما تدخل يا قلبي و انت ماسك نفسك ليه كده

عشري….بضحك مش عارف ادخل الدنيا زحمه