لقاء كارثي

ليله…..طيب ليه مجربش

عشري…والله ما عارف عند بقي و قالك خلاص الفرصه راحت و رجع قال خلاص مش حابب بس انا عارف انه حابب و كان عايز هبقي اخليكي في مره تسمعي صوته

ليله….بابتسامه طب بما ان محمود اقربلك و بحس برضوا ان عسال اقربلك مين فيهم بقي اقرب لقلبك اكتر طبعا اخوك اغلي مفيش شك بس اقصد علي الراحه

عشري…..بصي يا ليله طبعا الاخوات ميتعزضوش بكنوز الدنيا بس انا بشوف ان الصاحب الجدع ميختلفش عن الاخ و انا الحمد لله ربنا رازقني بالاتنين بالاخوات و الصحاب الجدعه اللي انا اصلا عمري ما اعتبرتهم اصحاب

انا بشوف ان الصاحب ده صاحب قاعده علي قهوه صاحب خروجه

لكن علاقتي بالشباب ملهاش علاقه بكل ده احنا بجد اخوات مع بعض ديما شغلنا واحد فلوسنا واحده و اوقات كتير اوي اللي يعرفوا عني اكتر بكتير من اللي اخواتي تعرفوا
فا انا بعتبرهم بالنسبالي واحد

محمود و ميدو حقيقي ليهم ركن خاص كده بس هو الحقيقه سؤال مقدرش ارد عليه بصراحه لان لو هقيس حبهم بميزان الاتنين هيقفوا في النص مفيش حد فيهم ميزانه هيطب اكتر من التاني غلاوتهم و حبهم واحد لا قدر الله اللي فيهم يحصلوا اي حاجه هتوجع عليه زي التاني و نفس الكلام اي حاجه تفرحهم هتفرحني فا كلهم بلا استثناء غلاوتهم من غلاوة اخواتي

مقدرش اتخيل حياتي من غير حد فيهم من اصغر واحد لاكبر واحد

ليله….بحب ربنا يخليكم لبعض يا عمري بس خير يا بلطجي عمال توزع ركن شمال و ركن يمين قلبك بقي مساكن شعبيه اقعد فين انا بقي

عشري…..بضحك هما كلهم ليهم حته قد كده انما انتي واخده قلبي كله و واخده روحي و واخده عقلي و كياني و جسمي و كل حاجه انا حاسس يا ليله اني عندي قلبين مش قلب واحد. في قلب تاني مش متشاف و لا موجود انا بس اللي حاسس بيه ربنا هلقه جوايا من اول ما حبيتك

ليله….بضحكه جميله قربته منه و ضمته جامد مقدر شعلي الكلام الخلو ده يا بلطجي

عشري…..مفيش كلام حلو يكفيكي يا قلب البلطجي كنتي زي القمر انهارده

ليله…انت كمان كان شكلك حلو اوي

عشري….كلتي ولا لا

ليله….اممم الحمد لله

عشري….اكيد مكلتيش انا عارف انك مش بتاكلي بره كويس تاكلي ايه وانا احضرلك

ليله….ولا اي حاجه والله شبعانه امونه ونجود مسابوش حد فينا اصلا انا بس عايزه اشرب قهوه و اغير و اخد شاور كده يعني