لقاء كارثي

ليله….عامل زي نادين انا لما بضايق بروحلها و اول ما تحس اني مضايقه تسكت بتخاف امشي

عشري…هو كده محمود

ليله…بصراحه محمود يجنن انا بحبه جدا طيب و محترم و هادي اوي و بصراحه تعب معانا وقت جوازنا و صلح كل اللي اتكسر

عشري…بأبتسامه اه شال الليله وحاسب هو علي المشاريب من الاخر محمود ده حبيبي و طول الوقت احنا مع بعض حتي لو ده مش ظاهر للكل

ليله…طيب سليمان ليه بحس ان انت مش قريب منه خالص مع اني بحس ان سليمان ده طيب جدا وملوش في اي حاجه خالص و معرفش كمان هو قريب من مين

عشري…..بأبتسامه قريب مننا كلنا يعني شويه تلاقيه مع سليم وعدي شويه مع محمود شويه مع علي وعمر شويه معايا هو علاقته بينا كلنا كويسه بس هو برضوا طيب كده زي حودا لكن علاقته ممكن بفضل و عبدالله اخوه اكتر يعني تلاقيه بيرغي كتي رمعاهم ممكن لو عنده حاجه مضيقاه يتكلم مع فضل او عبدالله كده يعني

ليله….بس طيب اوي

عشري….جدا

ليله….بابتسامه انت الشرير بتاع العيله دي

عشري…بضحك انا لا خالص والله

ليله….انت وعمر بجد اللاشرار بحسكم كده

عشري….خالص والله العظيم بصي محدش فينا شرير يعني اكيد لينا حجات كده بس مش لدرجه شر و خدي بالك عمر طيب فوق ما تتخيلي هو شخصيته تبان شديده يمكن اكتر مني بس لما تقعدي معاه ممكن تحسي انه اطيب مني كمان

ليله…لما كنت بتقول كده في الاول مكنتش بصدقك بس اكتشفت انه دمه خفيف و طيب فعلا

عشري….اوي والله طب انتي تعرفي ان انا اتقل دم فيهم كلهم

ليله….بحضك لا حبيبي دمه خفيف

عشري….بابتسامه والله العظيم ابدا ممكن يكون دمي خفيف بس لو هتقارن بيهم هطلع اتقل دم يعني علي يم*و*تك الواد عدي مسخره سليم ليه طلعات و قفشات مش متوقعه تم*و*تك برضوا محمود دمه اخف من علي نفسه سليمان دمه خفيف بطيبه فا غصب عنك بتضحكي يعني ممكن يحكيلك علي موقف كبير و في اكشن وعصبيه بس طريقته تم*و*ت من الضحك عمر بقي وهو رايق خدي منه هزار و ضحك اصلا هتضحي علي ضحكه لانك مش عارفه تفهمي حاجه و هو بس بيضحك يعني كفيل يضحكك من قبل ما تعرفي الموضوع فا كلهم عسل والله وخدي بالك انتي لسه مقعدتيش معاهم اوي يعني حتي الكام مره اللي اتجمعنا فيها بنسيبكم لوحدكم مش بنقعد مع بعض كلنا

ليله…انت عارف اني بحس ان اخواتك شخصياتهم قريبه من الشباب صحابك