لقاء كارثي
لقاء كارثي
رشيد….معرفش صباعي واجعني
ليله….اقلع الشوز طيب و اجيبلك حاجه تلبسها
رشيد….لا مش كده بس صباعي الصغير طالع في حاجه كده وجعاني اوي
ايمي….عارفه البتاعه اللي اسمعها عين سمكه دي
ليله….اه دي متعبه جدا كانت بتطلع لوليد بس عملها
رشيد….عملها ازاي بقي جراحه
ليله….اه بس مش عارفه استني وليد وليد تعالي
رشيد….انا بصراحه مش حابب الجراحه
ليله….هي كبيره اوي يعني
رشيد….مش للدرجه بس بتتعبني لما بقف عليها
وليد….ايه يا قلبي
ليله….وليد انت عين السمكه اللي كانت في رجلك دي عملتها جراحه
وليد….دي في صباعي مش رجلي اه جراحه هي طالعه لحد فيكم
رشيد…اه طلعالي انا و برضوا في صباع رجلي الصغير
وليد…..يمين ولا شمال
رشيد….شمال
وليد….انا كانت يمين و صباع رجلي الصغير برضوا يطب ايه كبيره
رشيد….مش اوي بس متعبه
وليد….هي متعبه اوي بصراحه بص انا عاملها ثلاث مرات لانها بترجع تاني
رشيد….بتتكلم جد
وليد….والله العظيم برتجع بس انا عملتها اول مرتين مع نفس الدكتور و رجعت المره التالته عملتها مع دكتور مختلف و بصراحه مرجعتش تاني بقالها ست سبع سنين اهي ليزر و كوي و الدنيا زي الفل
رشيد…..انا مبحبش الجراحه بصراحه يا وليد
وليد….هي مش جراحه بالمعني الحرفي انت بتبقي فايق و صاحي وبترغي و الدنيا تمام عملتها و خرجت يعني مخدتش ربع ساعه بالظبط بس هي متعبه اوي و لما بتقف كتير او بتعمل مجهود بتشد رجلك كلها
رشيد…دي حقيقه بص هي بتكبر بس علي فترات يعني هي ظهرالي من شهر مثلا بس كنت فاكر انها حاجه عاديه في الجلد عشان مفيش وجع و بعد كده بدات توجعني حجات بسيطه بس انهارده وجعاني انا اصلا معرفش ايه دي امي اللي قالتلي عين سمكه
وليد….هي واحده ولا كذا واحده
رشيد….لا واحده بس تشوفها
وليد…اه وريني
قلع رشيد الشوز و الشراب
رشيد…ااا حقك عليا بقي
وليد…ياعم ارفع وريني ااااه دي مش صغيره اوي يا رشيد
رشيد….يعني ايه كده غلط
وليد….لا مقصدش اقصد انها هتتعبك طبعا
رشيد…ماهي تعباني بصراحه و انهارده تعبتني اوي كنت الصبح في الشغل وبعدين رجعت غيرت بسرعه و روحت لحسان ورجعنا وقفنا تحت كتير و هنا وقفنا فا مش قادر
ليله….طب اعملها يا رشيد هترتاح
رشيد…بابتسامه بصراحه يا ليله انا بترعب من اي حاجه فيها جراحه و بخاف من جو المستشفيات ده عموما
