لقاء كارثي
لقاء كارثي
ايمي…..عارفه يا ليله بس اقصد استقبلي نزول البريود عادي و متضايقيش بصي يا ليله انا اكتر حد في الدنيا ممكن يحس باي ست بتفكر في الموضوع ده وانتي عارفه انه عملي وش في دماغي سنين من قبل حتي رشيد ما يبقي في حياتي و يمكن بعد جوازي انا كنت حاطه ايدي علي قلبي و خايفه تنزلي
و كنت بفكر في الموضوع من اول اصلا مع اني كنت متفقه معررشيد نرجب اول كام شهر من غير اي تدخل طبي او محاولات بس انا كنت خايفه و فكره مراته الاولي و معانتها مع الحمل كانت ماثره عليا بشكل مش طبيعي و كنت خايفه بس انا كان عندي اسبابي لاني مش صغيره يا ليله انا 42 سنه يعني ممكن في اي وقت البريود تتقطع و كمان تجميد البويضات اللي كنت معتمده عليها بح كان الأمل فيها مقطوع خلاص فا كانت فرصتي اني احمل علي طول هي الامل الي عايشه عليه بس انتي لسه صغيره و لسه بدري عليكي اوي عشان تشيلي الهم ده يمكن ربنا حققلك اللي كنتي عيزاه من عنده و عايزك تتبسطي مع عشري و تعوضي الايام اللي عيشتيها قبل كده و الايام اللي عيشتيها معاه في مشاكل فا متفكريش في الموضوع نهائي و خليها تيجي كده من عند ربنا خلي عقلك مرتاح يا ليله
ليله…..انا تمام والله متشغليش بالك بيا انا كل اللي بحكيه ده عشان بس اعرفك اني والله مش باخد حاجه
ايمي….بس كده و دي اهم حاجه عندي و لولا اني فكرت في الموضوع و خوفت من كلامك ده مكنتش هفتحه معاكي لاني مش حابه اخليكي تفكري فيه اصلا بس كنت عايزه اطمن
ليله….اطمني والله مش باخد حاجه و متقلقيش خالص
ايمي…..بابتسامه ان شاء الله قريب هتبقي احلي مامي في الدنيا و معلش بعد اذنك هاتي اول حاجه بنت عشان اجوزها للواد الغلبان ده
ليله….بضحك بتحددي كمان
ايمي….ياستي ابقي هاتي ولد بعدين. بس هاتي بنت الاول
ليله….ماشي يا ستي بس هتناسبي البلطجي ده انتوا مش بتطبلوا مناقره في بعض
ايمي….بضحك بناقروا بس حبيبي والله و غالي عندي اوي الواطي اللي استفرد بيكي
ليله….بضحك اتقفشنا يا ايمي
ايمي….بضحك ضمتها تاني يا اختي اتقفشوا كل ثانيه برحتكم المهم تبقوا مبسوطين
ابتسمت ليله و بصت علي رشيد اللي قرب منهم
رشيد…..ااااه اهلا ريا وس*كينه
ليله…..اهلا ابو العيال
ايمي….مالك يا روحي
رشيد….رجلي وجعاني اوي
ايمي….من ايه
