لقاء كارثي

ايه…..ربنا يخليه و يحفظه و يخليك حنون يارب بيتهيألي هي مقصرتش خالص

سلامه…بالعكس والله عمرها ما قصرت بس الاب في حياة اي شاب يا ايه خصوصا لو اب بجد بيفرق كتير الحمد لله احنا طلعنا كويسين و حاولنا نبقي بني ادمين و امي كانت مصممه تخلينا بني ادمين بس اللي اقصدوا ان وجود اللي بيفرق و كان هيفرق اكتر في حياتنا بس الحمد لله الوقت كل حاجه بقت تمام و زي الفل ربنا يحفظه هو وحمودي و ياريت الكام يوم دول تخليكم جنبه علي قد ما تقدروا

ايه…. اكيد طبعا متقلقش انا بس خايفه عليه اوي

سلامه….لا متخافيش هيبقي كويس هو بس لسه الموضوع تقيل عليه و بعدين انتي وسلمي بتتجوزوا مع بعض غصب عنه بس شويه و هيتعود وبعدين انتوا مش هتهاجروا يعني و هتفضلوا جنبه و معاه

ايه…..ان شاء الله يا حبيبي هتروح تجيب بدلتك امته

سلامه…هتفق مع الشباب كده ونشوف بس لازم نخلص بقي مبقاش في وقت انهارده يعتبر ضاع يعني نقول فاضل خمس ايام

ايه…. خلاص اتفقوا و روحوا بقي

سلامه…ان شاء الله تعالي نشوفهم

ايه….يلا
………………

عسال…..بضحك والله ما هقولك حاجه خالص

نادين….ميدو وحياتي قول طيب حاجه صغيره قد كده

عسال……ولا نص حاجه انتي هتشوفي كل حاجه يوم الفرح و تتفاجئي وتتبسطي بيها

نادين….بابتسامه انت بترخم عليا

عسال….بضحك والله العظيم ابدا بس هقولك ايه طيب يعني هوصفلك الديكور ولا هوصفلك ايه هتتبسطي بس اقولك حاجه صغيره قد كده

نادين….بسعاده اه قول يلا

عسال…..بضحكه تجنن مسك دقنها اليوم اللي هنسافر فيه بأذن الله مجهزلك احتفال تاني غير الفرح

بصتلوا بأبتسامه واسعه و فضلت تحرك عينها شمال ويمين

نادين….يعني ازاي احتفال يعني قصدك زي الحنه

عسال….بضحك يعني مش زي الحنه اوي بس احتفال لذيذ كده و هيعمل جو حلو

نادين…ليا انا بس

عسال…..بضحك هو كل حاجه اصلا انا بعملها ليكي انتي بس لكن الكل هيبقي معانا و هنابسط سوا

نادين….علي فكره بقي انت رخم و مش بتقول حاجه يعني ايه احتفال

عسال….يعني احتفال يا نودي و مش هقول اكتر من كده

نادين….طيب علي فكره بقي انا مش هقولك الفساتين شكلها ايه و لا هقولك عملت ايه انا والبنات ولا هحكيلك الخروجه بتاعت فضل و نوني و مش هقولك حاجه خالص

عسال…..اتبسطتي

نادين…اه جدا و مش هقولك اي حاجه