لقاء كارثي

ليله….بكره بقي لما ينشف هيبقي حلو و لما يتلون هيبان اكتر بس المشكله مش عندي لون رمادي

عشري….اجيبلك يا قلبي

ليله….سيبوا بقي هنا ينشف اوعي تنكش فيه

عشري…..بابتسامه شكلوا حلو والله اوي هو مقرف بس حلو

ابتسمت ليله

ليله….اشرب بقي القهوه انا فصلت وعايزه انام

عشري…يلا يا قلبي خلاص مش عايز

ليله…لا كمل

عشري….لا مش قادر والله انا كمان عايز انام يلا بينا سلام يا عم فرفور

ليله….بضحك نايتي فرفور

قفلوا كل حاجه و دخلوا يناموا

………….

في صباح يوم جديد قعد عشري جنب ليله يلعب في مناخيرها و يضايقها وهي نايمه

ليله….اووووف بس بقي

عشري…..لا قومي يلا

ليله….طيب هقوم

عشري…..يلا قومي حالا عشان عايز اوريكي حاجه

ليله…فتحت عينها وبصتلوا خد بالك انت بقيت مزعج اوي

عشري…..بس بحبك

ليله….نهارك مش فايت انت صحيت و لبست كمان

عشري…انا صحيت و لبست و نزلت و رجعت

ليله….نزلت فين

عشري…..كنت بجيب توست عشان خلص و نسينا نجيب و كنت بجيبلك حاجه

ليله….حاجه ايه

عشري…..هاتي بوسه الاول و انا افرجك

ليله…..مرتشي

عشري….بضحك اه انا مرتشي يلا هاتي بوسه

ابتسمت ليله وباسته

عشري…يلا قومي بسرعه افرجك

ليله….طب براحه

عشري…مفيش براحه قومي حالا

ليله…..طب اغسل وشي

عشري…..انا عايزك كده

ليله….طيب اعمل بيبي مش قادره

عشري….بضحك طب يلا ثواني و تبقي عندي

ليله…ماشي دخلت علي جوه فتح عليها الستاره بالريم*و*ت

بصتلوا و ضحكت و حطت ايدها في وسطها

ليله….اقفل وبطل قلة ادب عالصبح

عشري…بضحك بتقولي ايه مش سامعك

ليله….لا سامعني اقفل يارخم

عشري….بضحك طب خلاص هقفل

فتحت الباب و خرجت

ليله…هات الريم*و*ت ده كده

عشري….والله خلاص مش هفتح

ليله….لا مش ضمناك الوساخه في دمك اصلها

عشري….بضحك طب اخلصي

ليله….ماشي

دخلت ليله خمس دقايق و طلعت

ليله…..يلا فرجني

عشري… تعالي

خدها وخرج بيها بره كان حاطت شنطه علي السفره

عشري…..قربي

ليله…ايه ده

عشري…..فتح الشنطه دي الوان كتير معرفش حاجه فيهم

ليله….بضحك با مجنون انت نزلت بجد جيبتلي الوان

عشري… اه عشان تلوني الاستاذ فرفور جيبتلك لون رمادي دي الحاجه الوحيده اللي طلبتها بصي بقي انا قولت للراجل اللي في المكتبه عايز حاجه شبه الصلصال كده و لاد اخواتي بيلعبوا بيها بس بتنشف قالي اسمها صلصال فوم او فوم حاجه كده