لقاء كارثي
لقاء كارثي
عشري….طيب يلا قومي خدي شاور و نبقي شرب مع بعض
ليله….اوك يلا
……………….
خرجت ايمي من الاوضه رشيد كان قاعد علي الكنبه مربع ايده و حاطت رجله في مايه دافيه بردت اصلا وهو مش حاسس و نام
قربت بهدوء منه خدت الفوطه و قعدت علي ركبها رفعت رجله شويه فا صحي بسرعه
رشيد…احمممم ايه يا حبيبي قومي قومي
ايمي…خليك يا قلبي ارف رجلك بس عشان انشفها المايه بردت اصلا
رشيد….انا نمت هاتي الفوطه يلا قومي
ايمي…..طلع رجلك مش هقوم
رشيد…قومي يا حبيبي متقعديش كده هتتعبي
ايمي….انا كويسه ومش هقوم و هتطلع رجلك يلا خلص
ابتسم رشيد و باس راسها وبعدين رفع رجله براحه كانت شاده عليه اوي
رشيد…..براحه بس
ايمي….حاضر نشفتها بهدوء و بعدين بصتلوا حبيبي ما تيجي نروح نعملها ونخلص
رشيد….مش هينفع يا ايمي فرح الشباب يوم 13 يعني مفيش غير بكره و بعده و بعده مش هلحق و هتبقي تعباني
ايمي….ما وليد قالك مش بتتعب للدرجه هي بس محتاجه تغيير واهتمام و نضافه وبس
رشيد…الكلام ده لو مكانش حسان هو العريس كنت سيبتلوا المعرضين هو وقف فيهم بس هو اليومين دول مشغول وانا مش حابب انزلوا الشغل كتير ممكن بعد فرحه كده كده في اسبوع قبل فرح ميدو
ايمي….ايوه بس انت مش هتعرف تشتغل و انت تعبان و كمان الاسبوع ده هتيجي وقتها وتقول حسان في احازه جواز مش هينزل مين برضوا اللي هياخد باله من المعرض
رشيد….سند راسه لوراء والله ما عارف يا ايمي مكانش وقتها خالص رجلي دي
ايمي….مفيش حاجه اسمها مش وقتها يا رشيد هو حد فينا بيعرف امته ممكن يتعب طيب فضل و عشري بيعرفوا يتعاملوا في المعارض ولا لا
رشيد….اه بيعرفوا طبعا بس الفكره انهم شايلين شغل كتير يعني شغلهم الخاص في زايد و عشري شايل امكان الجديد علي راسه لوحده معاه ميدو و سلامه بس طبعا سلامه وضعه زي حسان و ميدو الاسبوع ده برضوا هيبقي مشغول و لو فضي شويه ونزل هيروح الكافيه شويه مش هيجي المعرض ده او المعرض اللي في مصر الجديده
ايمي…..طيب ماهو لازم يكون في حل يعني انا عارفه ان فضل مشغول بس علي الاقل معاه اخواته و اخوات عشري يجي هو الكام يوم دول بعد فرح حسان و سلامه و مش هيفرق وجوده يومين تلاته يعني
رشيد….مش عارف يا ايمي هشوف
ايمي….طيب هو انت لازم تكون في المرعض طول اليوم
