لقاء كارثي
لقاء كارثي
عسال…جاي اهو مسك كف نادين يلا يا قلبي
نادين….لولي باي يا قلبي
ليله….باي يا نودي
سلموا كلهم علي بعض و ركبوا
و نغم ركبت مع احمد و تامر
راح عشري بسرعه فتح لليله الباب ركبها و اتحركوا كلهم علي زايد
وصلوا هناك و عملوا زفه حلوه بالعربيات و هما ماشيين و استقبلوهم هناك بزفه و ض*رب نار نفس عادتهم و بعدين طلع محمود و رحمه و الكل مشي و طلع عشري وليله علي البيت.
فتح عشري الباب
عشري….ادخلي يا قلبي
دخلت وهو دخل وقفل الباب قعدت علي الكنبه
ليله….ااااه ىجلي بتوجعني اوي
عشري….انا نفسي اعرفوا اناوا ازاي بتلبسوا كل الكعب ده
ليله…..عادي تعود بس بيتعب في الوقفه
ولع سيجاره و حط حاجته علي البار و راح عليها كانت سانده ضهرها علي الكنبه و فارده رجليها حط السيجاره في شفايفه نزل قدامها بكل حب و مسك رجلها قلعلها الهيلز ابتسمت بحب و قامت بهدوء حطت ايدها علي راسه و بعدين ضمته اوي و باسته من راسه
حطلها السيجاره في بوئها و لف ايده علي وسطها و غمض عينه
عشري….اتبسطي انهارده
ليله….اوي اليوم كان يجنن و الفرح كان حلو اوي انت اتبسطت
عشري….رفع وشه وبصلها جدا ده محمود يا ليله ابني و صاحبي و اخويا كنت فرحان كأنه فرحي مبسوط عشانه هو ورحمه اوي
مسكت دقنه و ابتسمت
ليله….تعرف ان علاقتك انت و محمود غريبه اوي
عشري….غريبه ازاي
ليله…طب تعالي اقعد جنبي هنا عشان رجلك متوجعكش
قام عشري طلع جنبها علي الكنبه
حطتلوا السيجاره في شفايفه تاني
ليله…..يعني اللي يشوف علاقتك بأخواتك يفكر ان انت اقرب حد ليك عدي و سليم و علي و ممكن عمر شويه بس محمود وسليمان بحس ان هما بعيد عنك خالص مع ان انت ديما تقول ان اقرب حد لقلبك محمود و عدي
عشري….بابتسامه لعب في شعرها بصي بعيدا عن اخواتي كلهم انا فعلا محمود قريب مني جدا يمكن محمود متعلق بيا اوي و بيحبني جدا بس لو هنشوف علاقتي بيه بشكل ادق هطلع انا بحبه اكتر متعلق بيه اكتر بحتاجه في حياتي اكتر اي حاجه ممكن ممكن اقع فيها او اتزنق فيها اول حد بفكر فيه محمود جايز انا وهو مش ديما مع بعض مش بنقعد مع بعض كتير نادرا تشوفينا بنرغي انا وهو قدامكم او بنروح مشاوير او اواو حتي في الشغل بروح ابص و ممكن مقفش معاه زي ما بقف مع باقي الشباب
بس علاقتي انا ومحمود بالموبايل اكتر يعني ممكن ابقي انا وهو في نفس المكان بس هو يتصل بيا و انا اتصل بيه
