لقاء كارثي

ليله…..بابتسامه علاقه غامضه يعني

عشري…مش غامضه بس ممكن اتصل ارغي معاه احكيلوا علي حاجه يتصل هو بيا يحكيلي اللي حصل في الشغل او لو في مشكله او حاجه حصلت وبياخد رايي فيها

و بحكم ان انا مش بقعد في مكان ثابت هو بيتعامل معايا علي الموبايل اكتر فا انا كمان اتعودت معاه علي كده

ممكن اقعد يومين انا وهو منشوفش بعض يادوب مثلا نامح بعض من بعيد اكون بعدي عليهم و هو واقف مشغول من بعيد هلا محمود هلا محمد وخلصت بس مفيش يوم بيعدي غير لما بنتكلم و نرغي و نطول كمان

ليله… ايوه انا بلاحظ ان اكتر تعامل ليكم موبايل و بحس كمان ان مهما عدي وقت من غير ما اشوفكم مع بعض بس هو ديما موجود كانه كان معاك من شويه

عشري…..انا بعتبر محمود يا ليله عارفه الخلوه الركن الهادي عارفه لما بيكون ليكي مكان خاص في البيت بترتاحي فيه زي الغرفه بتاعت الصلاه كده يعني مش قصدي التشبيه اللي هقولوا طبعا بس انا هقولك احساسي بمحمود واحساس محمود بيا

ليله…بابتسامه قول

عشري….احنا مش طول الوقت قريبين من ربنا بنحاول علي قد ما نقدر الدنيا متاخدناش بس الاكيد اننا بنحبه طول ما اغلبنا كويس بيبقي مع نفسه بس لما يحس انه مخنوق مضايق او حتي محتاج يفضفض بيلجأ لربنا و ياخد جنب كده و يقفل علي نفسه و يقعد يصلي يدعي محمود بالنسبالي كده يا ليله جايز انا وهو مفيش بينا

قعده سهره خروجه مشاوير بس بحبه و الاهم ان يوم ما بحس اني محتاجه بلاقيه لما بحس اني عايز اتكلم بمسك موبالي واعيش معاه

ركن هادي بحتاجه لما الدنيا بتضيق او لما بكون مبسوط اوي فا هو بالنسبالي زي غرفه الصلاه دي فاهمه حاجه

ليله… بابتسامه اكيد طيب ليه بقي منزودتش كل ده يعني ليه ميبقاش في خروج مشاوير سهر ذكريات بينكم

عشري…..لا خدي بالك احنا في بينا ذكريات كتير انا مكنتش بسيب محمود ده لحظه كل شيطنتنا كانت بتطلع مع بعض هو ميبانش عليه بس محمود عفريت يعني

بس محمود لما كبر اتغير واكيد كلنا بنتغير بقي هادي اكتر بكتير علاقته برنا بقت اكبر محمود ماشاء الله الوقت اللي فاضي فيه بيقضؤع صلاه و قران بيختم القران في السنه يعني مرات كتير

ليله…..شيخ حودا يعني الملتزم اللي فيكم

عشري…هو كلنا بنصلي الحمد لله و ملتزمين علي قد ما بنقدر بس محمود ملتزم زياده عننا اضعاف ربنا يباركله يعني المهم اني مش بعرف اقفشه غير موبايل بس ولا مره يا ليله مهما كانت ظروفه بحتاج محمود و يقولي حتي اديني ربع ساعه اول ما اقوله محمود اريدك يقولي ثانيه واكون عندك وانا لو اتصل عليا و قالي انت فين اقوله جنبك حتي لو بعيد وقت مشكلتنا كان كل يوم بليل يطلعلي بقعد معايا ساعه يفضل ساكت رايح جاي ينضف البيت و بعدين يجي يقعد جنبي و يفضل باصصلي و هو زعلان مش عارف يعملي حاجه بس هو عايز يفضل جنبي عارف اني لما ببقي مضايق مش بعرف اتكلم فا بيسكت