لقاء كارثي
لقاء كارثي
ايمي….بضحك لا مقدرش يا قلبي
ابتسمت ليله و ضمتها تاني
ايمي….يابت انتي روحي و حته من قلبي انا مقدرش ابدا اشوفك مضايقه او زعلانه انتي الوحيده يا ليله اللي قادره تخليني اتعصب و اخرب الدنيا وفي نفس الوقت قادره تخليني مقدرش اجي عليكي و قلبي مش بيطاوعني ازعلك حتي لو انتي اللي غلطانه انتي بعد ما مشيتي و البنات رجعوا قالوا انك مشيتي كنت واثقه من جوايا انك هتلفي لفه و ترجعيلي بس لما مرجعتيش اتجننت و لما اتصلت بيكي و لاقيت موبايلك مقفول اتجننت اكتر
ليله…..بابتسامه وهي بتلعب في صوابع ايمي اه و عشان كده نزلتي الشغل عشان تعصبيني صح
ايمي….حصل ماهو انا اتجننت لما اتصلت بيكي كتير و لاقيت الموبايل مقفول يعني بعد كل ده عايزه اصالحك و انتي مش سيبالي فرصه والصبح اما فتحتي موبايلك و كلمتي البنات شوفتي اتصالي ومتصلتيش حلفت ما هعبرك بس كنت هتجنن و قولت يمكن تيجي مجتيش كنت عارفه ان نزولي المطعم هيجننك و دي الطريقه اللي هجيبك بيها بس قلبك قسي عليا ياواطيه و مجتيش
ليله….مسكت كفها باسته مقدرش علي فكره بقي انا اتجننت فعلا لما نزلتي بس كنت مواعده بنات وليد اني هخادهم وانتي عارفه و قولت لنادين تروحلك هي ونعيمه و يقعدوا معاكي او يقنعوكي تمشي و فضلت معاهم وقت طويل و بعدين حصل مشكله مع حمزه واميمه واتخانقوا مع بعض روحت وصلت مها والبنات و بعدين طلعت علي اميمه فضلت مع حمزه شويه و يادوب خلصت معاه كان لازم ارجع عشان اعمل اكل قبل ما عشري يرجع و كنت اصلا مودي وحش انتي زعلانه و عشري زعلان بس مقدرش والله ازعلك
ايمي…بحب وانا مش زعلانه خلاص انا بس عيزاكي تفهمي ان عصبيتي دي كانت بسبب طريقتك و بسبب الهبل اللي قولتيه انما يتحرق المطعم علي اللي جابه المهم انك تكوني كويسه
ليله….بحب حطت ايدها علي بطن ايمي انا مقدرش ازعل اصلا منك انا مليش غيرك يا ايمي و انتي عارفه ده كويس بصتلها و ابتسمت هما مش بيلعبوا ليه
ايمي…..بضحك كانوا بيلعبوا من شويه وقت كتب الكتاب
ليله…..حبايبي دول يا تري شكلك ولا شكل رشيد
ايمي…..بابتسامه يارب يطلعوا طوال بس زي رشيد مش مهم شبه مين
ليله…. بضحك الولد بس البنات عادي يبقوا طولك عشان يبقوا قمر زي امهم و صغننين
ايمي…..لولي انا عايزه اسألك سؤال بس من غير متضايقي
