لقاء كارثي
لقاء كارثي
عشري….ماهو بسببك
ليله……انا دخلت صالحتك و انت مرضتش تقوم و نمت
عشري….كدابه مصالحتنيش قولتيلي قوم كل و بعدها خرجتي بره
ليله…وانت مخرجتش و شكلك كنت بتتلكك عشان متاكلش مش بقولك اكلي مش عاجبك
عشري…..والله العظيم كنت جعان و جعان جدا و نمت من غير اكل
ليله…. بابتسامه طب علي فكره بقي انت ادتني ضهرك وحتي لما دخلت انام مخدتنيش في حضنك
عشري….احسن عشان تبقي تعلي صوتك تاني
ليله….بابتسامه اااا طيب علي فكره انا صالحتك الوقت اهو
عشري….فين ده ده انتي لحد الوقت مقولتيش كلمه
ليله….بضحكه جميله طمعان في صلح يعني يا بلطجي
عشري…..بابتسامه لا خليهولك لو مش جاي من قلبك مش عايزه
ليله…بضحك لا من قلبي
عشري….هو ايه ؟
ليله….الصلح نتكلم جد بقي
عشري…..وماله نتكلم
ليله….متزعلش مني انا اسفه يا سيدي
عشري….. بابتسامه رفع حاجبه خيرررر ليله هانك بنفسها بتعتذر الدنيا اتقل خيرها ولا ايه
ليله…..بضحك عشان تعرف بس اني بعاملك معامله اسبيشيال يا بلطجي و بحبك و مقدرش علي زعلك و علي فكره كمان كنت ناويه اصلحك لما ترجع بس انت اللي نزلتني
عشري…عشان طلعت اجدع منك و مهونتيش عليا اشوفك مضايقه واسيبك و بعيداً بقي عن كل ده انتي غلطانه في موضوع ايمي
ليله….انا غلطانه يا عشري
عشري….اه غلطانه يا ليله ايمي بتحبك و بتخاف عليكي و مش انا خالص اللي المفروض يقولك كلام زي ده اظن انتي عرفاه كويس
ليله…..عارفه يا عشري و مش محتاجه حتي اني افكر نفسي بكل ده بس هي اتعصبت عليا جامد
عشري….حقها انا لما احبك و اخاف عليكي لو طولت اكسر دماغك هعملها بصي يا ليله خلينا نتكلم بصراحه انا شغال في مجال الكافيهات و المطاعم ده من عمري تقريباً و عيت عالدنيا و ده مجالنا وشغلنا يمكن اتطور علي مدار السنين و علي اول واحد بدأ فيه بس انا شوفت كتير في المجال ده انا واخواتي و فضل واخواته و بقي عندنا خبره ملهاش حدود
المجال ده عايز المصحصح اربعه وعشرين ساعه اول حاجه لازم تكوني مركزه فيها قبل حتي خدمه الزبون الكاميرات عدم وجودها مصيبه بجد اظن سليم لما كنا في الرحله حكي موقف لحد يومنا ده لما بيفتكره بيضايق لما ظلم واحد من اللي شغالين معانا و اتهمه بالسرقه ولولا الكاميرات الراجل ده مكانش حقه رجع و كرامته اتردتله الراجل ده كان ممكن يتسلم للشرطه و يروح في داهيهلو مكانش في حاجه تثبت انه مظلوم
