لقاء كارثي
لقاء كارثي
نادين….بضحك سلمي خايفه
ايمي…..اختك اللي عصبتني
سلمي….انتي يا جزمه اتهدي بقي
ايه….نغم ترقصي علي ايه سيبك منهم
نعيمه….هاتيلها ده عينه مني الراعي الرسمي لليله
نغم….اااا طيب بصي عارفه اغنيه طيبه تاني لا
ايه….بتاعت احمد سعد
نغم….اه
ايه….بس دي مش بترقص هتعرفي ترقصي عليها
نغم….لا بترقص والله
ليله….لا حلوه هاتيها بترقص
ايه…..طب استني
نغم….بكسوف بس ارقصي معايا يا ايه والنبي
ايه…..هرقص والله
ايمي و ليله سابوا سلمي و نعيمه و كانوا باصين عليها و كلهم مبتسمين ابتسامه واسعه ولعت ليله سيجاره ايمي خدت القهوه بتاعتها
ايمي…..خدي يا لولي قهوتك
ليله…هاتي يا قلبي
ولعت ايمي سيجاره هي كمان
ايمي….استني بقي يا ست سلمي اتفرج واشرب السيجاره
سلمي….بضحك طيب ارتاحي شويه
سندت ليله علي التسريحه
نعيمه…..لولي ابقي قوليلي هناكل ايه عشان ابقي اطلب
ليله…..طيب استني شويه لسه بدري
نعيمه….ماشي بس نطلب ممكن ياخد ساعه و عرفيني اجيب ايه
ليله….اي حاجه انا عادي بس لو كله موافق علي بيتزا هاتي اسرع واسهل حاجه
نعيمه….طيب حلو ده بنات ابقي اطلب بيتزا
ايه…..اشغل يلا
نعيمه…استني قولولي تاكلوا بيتزا
ايه…..انا تمام
سلمي…. وانا عادي
ايمي…..ماشي اللي يعجبكم
ليله….اجيبلك حاجه غير البيتزا يا ايمي
ايمي….لا لا خلو بيتزا
نادين….وانا برضوا تمام
نعيمه…..نغم بيتزا اوك
نغم…..زي ما تحبوا تمام
نعيمه…ملكيش دعوه بينا انتي بتاكليها
نغم…اه والله تمام
نعيمه…خلاص اتفرج بقي يلا و بعدين هطلب
ايمي…..شايفه الكل مركز ازاي نسوان خايبه احنا نم*وت في الرقص
نغم….بضحك بس حد يرقص معايا والنبي
ايه…..يلا هرقص معاكي والله هشغل اوك
نغم….وشها كان احمر من الكسوف ابتسمت شغلي يلا
شغلت ايه الاغنيه و بدأت الموسيقي
قربت ايه منها و هي بتحكر جسمها بهدوء و كتفها مش بتعرف ترقص اوي بس رقصها شغال نغم كانت عماله تضحك و مكسوفه و بعدين بدات ترقص بهدوء مع ايه
خضتهم نعيمه كلهم لما زغرطت
بصولها بخضه وبعدين ضحكوا و بصوا علي نغم رقصها كان حلو بس كانت مكسوفه في الاول و بدأت تفك شويه ليله كانت ماسكه السيجاره في ايدها و عماله تحرك جسمها بهدوء و بتشجع نغم
نادين و سلمي و نعيمه عمالين يسقفولهم
وايمي بصالها و مبتسمه و هي بتشرب سيجارتها
