لقاء كارثي

ليله احنا في شغلنا لحد النهارده اللي بيغلط محدش بيسمي عليه شوفي احنا رجاله و طول بعرض بس الغلط في الشغل ابويا مش بيعديه مع العلم احنا فاهمين في الشغل اكتر من ابويا كمان بس هو عنده الغلطه بفوره معندوش اللي يغلط نعدي مره و ننبه عليه لا غلطت اتحمل نتيجه غلطك يوم ما محمود حصل معاه الموقف بتاعه عايز يسيب الشغل و القصه دي ابويا طلع عين الكل عشان بس كانوا بيتعصبوا في مكان الشغل

قالهم شكلكم ايه و انتوا صوتكم عالي قدام الزباين و قدام العمال

وخديبالك في حاجه مهمه احنا من كتر ما بنتعامل باحترافيه في الشغل لحد يومنا ده اي حد ياخد اي حاجه من الشغل بيحاسب عليها حتي احنا كصحاب مكان بنحاسب لان ده الصح فا الشغل يا قلبي نفيهوش تهاون مفيهوش كبير وصغير و لا صاحب مكان و كجرد عامل النظام بيريح و لو مشي علي الكل بيريح اكتر و في النهايه المكان بيحافظ علي نجاحه

ليله….بابتسامه معاك حق و انا عارفه كل ده والله بس هي جات كده بقي و المشكله ان الحيوانه دي نزلت الشغل انهارده عشان تضايقني

عشري….بابتسامه طيب ايه مش ناويه تصالحيها بقي دي ريا برضوا

ليله….هو انا مش زعلانه منها عشان اصالحها انا بس اتعصبت من الموقف
لكن فكره ان خلاف يخلينا نخسر بعض دي مستحيله اصلا بص يا عشري انا اي حد بحبه بجد وارد اختلف معاه نزعل نقلب علي بعض لكن نتخاصم و نتقاطع و كده مستحيل مبالك بقي لو الحد ده ايمي

عشري….اه بس هي زعلانه

ليله….ايمي زعلانه عشان مشيت وسيبتها و عشان هي فاكره اني زعلت منها لكن مش مخصماني يعني

عشري….حلو بس عايزين سوء التفاهم ده يخلص معقول بكره تروحوا كتب الكتاب و انتوا مضايقين

ليله….اكيد لا انا علي فكره كنت هخلص مع حمزه واروحلها بس مكانش عندي وقت مكنتش هلحق اروح و اجهز الاكل قبل ما انت ترجع و اكيد مش هروحلها خمس دقايق وامشي مش هتسيبني اصلا فا قولت بكره ان شاء الله اعدي عليها عند زوزو و اخدها كده كده انا والبنات هنروح بدري عند نعيمه عشان يجهزوا

عشري…..المهم انكم متبقوش زعلانين من بعض ايمي بتحبك زي ما انتي بتحبيها بالظبط

ليله….عارفه والله ايمي دي حته من روحي و هي عارفه كده كويس متقلقش انا بكره هظبط الدنيا

عشري…..ماشي يا قلبي انتي ظبطي الدنيا و بس تتراضوا هطلع عينكم انتوا الحوز عشان انا اللي شيلت الليله و منابنيش منكم غير اني نمت من غير عشاء