لقاء كارثي

نعيمه….بضحك معرفش هي من شويه كانت علي سور البلكونه وخوفت عليها ونزلتها و حاولت اجرب امسكها لاقتها حلوه اوي

فضل….بابتسامه شوفتي بقي قولتلك شويه شويه هتتعودي عليها و قولتلك مش هتعملك حاجه

نعيمه…..اه دي طيبه اوي فضل هو انا ممكن اخدها معايا لما نتجوز

فضل….بضحك ممكن طبعا بس ابعديها عن صدرك و بلاش قلة ادب انا بغير

نعيمه….بضحك دي بنت مش ولد

فضل….حتي لو بلاش قلة ادب

نعيمه….انا مبسوطه اوي يا فضل

فضل….والله انا اللي مبسوط عشان كنت فقدت الامل فيكي قولت هتتعودي لما مسكتهالك بس فضلتي جبانه برضوا

نعيمه….لا بس علي فكره انا كسرت الخوف شويه من وقتها علي الاقل كانت بتتحرك قدامي و مش بجري منها

فضل….طيب ياريت بقي تتعودي عليها و كل شويه كده امسكيها عشان لو متعودتيش مش هخليكي تاخديها

نعيمه….لا خلاص والله هتعود دي نامت علي فكره

فضل….بابتسامه عقبال ما انام انا كمان زيها يا بختها

نعيمه….بضحك اتلم يا شيخ العرب

فضل….بضحك البنات وصلوا ولا لسه

نعيمه….في الطريق خلاص

فضل….ماشي يا قلبي مش هتأخر عليكي باذن الله

نعيمه…ماشي يا قلبي يلا روح بقي عشان انا مش فضيالك

فضل…..طبعاً كاندي هانم في حضنك ماشي يا قلبي يلا روحي

نعيمه…باي

فضل…باي يا قلبي

قفلت نعيمه و قامت براحه من الارض و فضلت راحه جايه بيها و هي شيلاها سمعت صوت الاسانسير و بعدين سمعت المفتاح بيدخل في الباب و بيتفتح لقت ليله و البنات

ليله….بضحك احيييييييه مش مصدقه

ايمي….شوف البت اللي رعبتنا الوقت وخداها في حضنها

سلمي…..بضحك ايه المنظر ده انتي نوني

نعيمه….بضحك انا شيلتها يا بناااات

ايه….بضحك عملتيها ازاي دي حاجه

نعيمه….بضحك معرفش كانت نايمه في الارض حاولت امشيي ايدي عليها و عرفت

ايه…..طب جدعه والله اخيراااااا عقبال ميلو

ايمي….وكوبر

نعيمه…لا ميلو ايه وكوبر ايه انتوا خدتوا عليا اوي انا اخري كاندي وبس خلاص دي بقت بنتي

ليله….بابتسامه يا ضغنن يا قمر دي نايميه يا نوني حرام حطيها في البوكس

ايمي…..يالهوي علي القمر بقي بالذمه دي تخاف منها ده انتي تخوفي بلد

نعيمه…… ايه ده احييييه استنوا انتوا اتصالحتوا

ليله…..بابتسامه حطت ايدها علي كتف ايمي ليه احنا كنا متخاصمين يابت

نعيمه…نعم يا روح امك انتي وهي امال المفتاح اللي طار قدامنا و الصوت العاي كان فقره من مسرح العرايس