لقاء كارثي

نادين…بابتسامه هو حضرتك مش بقيتي شريكه رسمي معايا خلاص يبقي حسابات الشغل دي معايا متقلقيش

نغم…..ماشي بس احلفي انك هتخصميها

نادين….بضحك من غير ما احلف يا نغومه فلوس المحامي في اي حاجه تخص شراكتنا بنتحاسب عليها كلنا و بعدين ده مشوار بسيط للشهر العقاري مش قصه يعني متقلقيش

نغم…..خلاص الفلوس معاكي بقي واتصرفي انتي المهم صحيح انا جيبت التاج و الاساور بتاعت فرحك

نادين…بابتسامه اللي فيها رد بجد لاقتيهم

نغم….انا مش قولتلك جيبتهم امبارح بس نسيت اديهملك

نادين….ايوه صح وانا نسيت اسألك عليهم

نغم…..انا هروح البيت و هجيبهم وانا جايه ان شاء الله

نادين….هتروحي ليه انتي هتيجي معايا البنات زمانهم راحوا او رايحين علي هناك خلاص

نغم….لا ما خليكم بقي مع بعض براحتكم و انا هاجي علي اخر النهار

نادين….هو ايه الي براحتنا تعالي متبقيش رخمه و بعدين هتسيبي ايه وسلمي في يوم زي ده

نغم….والله مش عايزه اسيبهم خالص بس بصراحه مكسوفه مش عايزه ابقي رخمه

نادين….لا ما انتي هتبقي رخمه بجد لو مجتيش معايا و البنات هيزعلوا منك

نغم…..طيب بس انا لبسي هناك في البيت

نادين….خلاص تامر يوصلنا لحد البيت عندك و اطلعي هاتي حاجتك و نبقي ناخد اوبر

تامر…..نادين المتر بيقولك محتاجه حاجه

نادين….. بابتسامه لا ميرسي يا متر تعبناك معانا

المحامي…..ده واجبي يلا هستاذنكم مبروك يا انسه نغم

نغم….ميرسي الله يبارك في حضرتك

المحامي….سلام عليكم

الجميع ….عليكم السلام

تامر….اااا يلا اوبر ايه اللي عايزينه ده

نادين….لا مفيش بقولها هروح معاكم عند بيت نغم عشان تطلع تجيب لبسها وهاخدها معايا تقضي اليوم معايا انا والبنات و بقولها نبقي ناخد اوبر

تامر….طيب ما انا معاكم تجيب حاجتها وهوصلكم

نادين…عشان لو وراك حاجه يا تيمو

تامر….لا مش ورايا اي حاجه هوصلكم يلا اركبوا

نادين….اوك

ركبوا الثلاثه و اتحركوا خمس دقايق و اتصل ميدو علي نادين.

نادين…ايوه يا حبيبي

عسال….فينك يا ماما خلصتي

نادين….اه هلصنا الحمد لله و مشينا كمان راجعين

عسال….طيب يا قلبي انا بعرفك بس اني هتحرك الوقت

نادين….بسعاده بجد

عسال…..اه يا عبيطه بجد هروح بقي علي البيت و ان شاء الله هاجي معاهم بليل

نادين…طيب سوق علي مهلك عشان خاطري الساعه لسه اتنين وربع يعني متستعجلش