لقاء كارثي

راحوا مع المحامي علي كافيه قريب يرتاحوا شويه كانت الساعه داخله علي واحده خدوا وقت اطول من اللي كانوا حاسبينه قعدوا وطلبوا مشروباتهم وبعدين نادين بدأت تفهم المحامي طبيعه الشراكه اللي هتحصل بينها وبين نغم.

المحامي…..يعني حضرتك الوقت يا انسه نادين عايزه تعملي عقد بموجب النبلغ اللي انتي استلمتيه في حسابك

نادين….بطريقه جاده و احترافيه بص يا متر انا مش عايزه مجرد عقد مكتوب فيه مبلغ وبس انا عايزه عقد واضح و مفسر ..

يتكتب فيه اكتر من بند

يعني قيمه المبلغ
طبيعهة الاتفاق اللي هو يعني تحت بند استثمار شراكه تشغيل اموال

كمان هتكتب بند نسبة الربح بس دي هتتساب فاضيه مش هنمضي عليها الا لما احدد النسبه لانها بالنسبالي لحد الوقت غير معلومه

المحامي….تمام فاهم

نادين…كمان برضوا هتحط خانه بمده اتفاق و دي هتحددها نغم يعني هي تشوف حابه الوقت يكون قد ايه

نغم…..انا مش طالبه وقت يا نادين مش عايزه مده الفلوس هتفضل معاكي شغاله

نادين….تمام بس افرضي جه وقت واحتاجتي مبلغ لازم تبقي عارفه ان في اتفاق و مده لان مثلا لو قولنا سنه اتنبن انا عارفه ان الوقت ده هتاخدي في فلوسك بس قبل كده ممكن ميبقاش في سيوليه ولازم تبقي عارفه كده ان طلبك للفلوس في الوقت ده ممكن يبقي صعب

نغم….انا مش هحتاجهم يا نادين الغي البند دن كفايه اني سيباكي تعملي اللي يريحك انا مش عايزه كل ده اصلا لا عايزه عقد ولا ضمان

نادين… وانا قيلالك رأي من الاول

المحامي…انسه نغم الاتفاق امر ضروري لضمان حقوق الطرفين و انسه نادين بتحاول تضمن حقك بكل الطرق و هي صح بعيدا عن الثقه اللي بينكم بس هي بتتعامل بشكل قانوني سليم

نادين….بالظبط سمعتي يا نغم بصت للمحامي تاني كمان يامتر حط بند طريقه استرداد الاموال يعني كاش تحويل بنكي او حاجه بقيمه المبلغ وبرضوا دي نغم اللي هتحددها تمام يا نغم

نغم…..يعني ايه ؟ انا مش فاهمه

تامر….يعني لو حبيتي يانغم تاخدي فلوسك و العقد مثلا خلص بينكم هتحددي تاخدي فلوسك كاش و لا تحولهملك علي حسابك او هتاخديهم بقيمه حاجه من الشغل يعني مثلا نادين مشغله الفلوس في شقق و انتي عايزه تنسحبي ممكن لو تمن الشقه بنفس السعر بتتفاوضوا مع بعض و بتاخديها بدل الفلوس فهمتي

نغم….ايوه خلاص فهمت بس برضوا انا مش عايزه الفلوس