لقاء كارثي
لقاء كارثي
عشري….بضحك منك لله يا ايمي
ايمي….بضحك تحيه انت معرفتهاش
عشري…..انتي يا بت غبيه ولا الحمل ماصر علي نافوخك مش قولتيلي متعرفهاش انك كلمتني
ايمي….بضحك اه بس فكرتك قولتلها والله
عشري…..لا طبعا مقولتش
رشيد…في النهايه اكيد هيعرف من حد من البنات المهم بقي ننسي اللي حصل و الحمد لله حصل خير والموضوع اتقفل و انا هموووووت من الجوع
ليله…و انا كمان جعانه اوي
عشري…..طيب يلا هتاكلوا ايه
ايمي……اللي يعجبكم بت يا لولي احنا مش هناكل فسيخ فرح البنات جاي مع شم النسيم
عشري….الله يقرفك يا شيخه
ليله….بصتلوا و رفعت حاجبها لا هناكل يا قلبي و اللي مش عايز مياكلش لو معرفناش ناكل الكام يوم دول ناكل بعد الفرح مش قصه يعني
عشري…كلوا يا اختي مع بعض براحتكم انتوا احرار
رشيد….ايمي هو مش الفسيخ المفروض غلط علي الحمل
ايمي…..مين اللي غلطوا اوعي تقولها في وشي ده انا اوح فيكم في داهيه
ليله….بضحك اه صح اسالي الدكتوره لو غلط بلاش
عشري….يارب يطلع غلط عشان تكنسلوا الفكره خالص
ايمي….ويكنسلوها ليه يا بلطجي ما ياكلوا هما و يتبسطوا
ليله….لا مش هاكل من غيرك مقدرش
عشري…يارب يطلع غلط عشان متاكلش هي كمان
ايمي…..اصفرررر
عشري….بضحك بتاكلوه ازاي يا ايمي بجد ده صعب اوي لا ريحه ولا طعم ده جلد ذات
ايمي…..بس بس ايش فهمك انت يا بتاع المندي و المدفون
عشري…..مراتك بتعايرني باكلي
رشيد….يا ابني ده فلكلور مصري اصيل انشف كده و متبقاش طري
عشري….بضحك با عم انا مش راجل
ضحكوا كلهم علي عشري و بعدين طلبوا الاكل و كلوا و اتبسطوا جدا و قضوا وقت حلو مع بعض و ايمي و ليله كانوا مبسوطين جدا و مرتاحين و نفستهم اتبدلت 360 درجه.
وانتهي اليوم بسعاده وقدر رشيد و عشري ينهوا الخلاف اللي حصل بينهم بكل هدوء و بطريقه لذيذه
……………….
في صباح يوم كتب الكتاب
صحيت نادين و جهزت من الساعه ثمانيه الصبح عشان تروح مع تامر و نغم.
صحي تامر كمان خد شاور و جهز و بعدين نزل راح لنغم تحت البيت ثواني و نزلتلوا وهي شكلها نايم علي نفسها.
تامر…..صباح الخير
نغم….صباح النور
تامر….شكلك مش نايمه كويس
نغم…..بصراحه لا نايمه بعد الفجر
تامر….طيب يلا اركبي
ركبت نغم جنبه و راحوا علي نادين استنوها تحت بيت نعيمه
