لقاء كارثي

اولا في زباين ممكن تتبل عليكي و ميبقاش في حاجه ضايعه بس كل همها تبوظ سمعة المكان او عايزه مبلغ عشان تسكت

بس في زباين تانيه بتبقي علي حق و بيصمموا ان اللي غلط يتعاقب مش فارق معاها الفلوس و لا تعويض ولا حتي اللي ضاع هي فارق معاها انها كانت بتثق في مكان واكتشفت انه مش قد الثقه و عايزه حقها بالقانون وقتها ارضاء النوعيه دي صعب و بياخد وقت تفتكري بقي هيبقي كويس لو انتي او حد من البنات او حتي من التيم اتأذي

ليله….والله عارفه يا عشري و علي فكره انا عمري في شغلي ما غلطت غلطه واحده طبيعي ان يحصل غلط اكيد بس انا مش بغلط مش عشان انا جامده ولا حاجه بس الفكره ان ممكن كان تركيزي اعلي هاديه اكتر معنديش ضغط فا كل تركيزي في الشغل وبس انكا حقيقي انا اليومين اللي فاتوا كنت مضغوطه اوي مش بعمل حاجه غير اني بجري وبس و طبعاً انا والله مش بشتكي انا مبسوطه بس اقصد ان دماغي مشغوله في اكتر من مكان

عشري….عارف يا حبيبي و علي فكره ايمي عارفه حاجه زي دي بس انا وجهة نظري للموضوع ايمي بتثق فيكي اكتر حد و عارفه ان وجودك بيسد وجودها فا بالتالي هي مرتاحه ان عدم وجودها مش هيسبب مشكله هي الفكره انها اضايقت من الموقف اللي حصل في المطعم و اتصدمت بقي في رد فعلك لانها متوقعتش ان انتي اللي تردي رد زي ده ايمي عارفه انك ديما بتركزي بتحطي احتمالات للغلط بتتوقعي الاسوء بتخلي بالك من اي تفاصيل فا لما تلاقي ردك عليها كلمه عادي طبيعي تتعصب و خيد بالك يمكن انتي عصبيه و جدا بس ايمي في عصبيتها صعبه انا جايز مشوفتهاش في الحاله دي غير مرتين ودي طبعا التالته بس هي من النوع انها مش بتتعصب الا لما اللي قدامها يستفزها برد فعله يعني انتي شوفتي طلعتها في فضل رغم انها عارفه انه مكانش غلطان بس تصميمه علي عذر لنعيمه عشان يسامحها جننها و كان معاها حق برضوا وقت مشكلتها انتي مشوفتيش طلعتها في البنات كانت عامله ازاي بعد ما مشيتي لانهم استفزوها و انتي الوقت بموقفك ده هي لا فارق معاها الغلط و لا انك نسيتي او مركزتيش قد ما فرق معاها ردك.

ليله….بضحك بص هقولك حاجه انا عارفه ان ايمي في عصبيتها صعبه فعلا و انا عصبيه و لما بتصادف و نقع مع بعض في موقف و نقفش في بعض الدنيا بتبوظ فا انا كنت واثقه اني غلطانه مفيش كلام بس ايمي مش هيوقفها غير حاجه واحده بس اني اكون هاديه و هي متعصبه فا هي خدت هدوئي ده علي انه برود ولا مبالاه فا اتعصبت اكتر و رفعت صوتها وبصراحه انا متحملتش عامله زي الثور الهايج و نازله فيا بهدله قدام الكل