لقاء كارثي

عشري….بضحك طبعاً بكيزه هانم مقدرتش عشان كرامتها وبرستيچها فا اسمعتها زفارة لسانها

ليله….بضحك لا والله خد بقالك انا لساني طويل بس مبقدرش قدام ايمي مش خوف بس احترام ايمي مهما كان مش عيله معايا بعتبرها زي اميمه مقدرش بصراحها اقف قدام اميمه حتي لو غلطانه فا ايمي بالنسبالي بعيداً عن البنات مقدرش اتخطي حدودي معاها و مش معني كده اني مش بحترم البنات ربنا شاهد والله ان ابه اصغر واحده فينا وعمري ما قليت منها بس اقدر اتعصب براحتي اقدر اروقهم و هما كمان بيتعصبوا بناخد وندي مع بعض يعني بس ايمي مش بقدر و غير كده هي كانت متعصبه اوي خوفت عليها بصراحه قا قررت اني اتبع معاها نظام الهدوء و اريحها

عشري…بضحك ماهو انتي مريحتيهاش انتي ولعتي فيها النار اكتر و شافت ان ده برود

ليله….طب اعمل ايه انا ماهو يبقي بارده يا هنطيح في بعض هي عصبتني من طريقتها ولو كنت متحكمتش في نفسي كنا هنزعل من بعض جامد فا ضايقتها بقي بس براحه

عشري…بضحك براحه ايه يا بلطجيه البت كانت هتولد بسببك من كتر العصبيه و خدي بالك اللي هيجنن ايمي ان انتي فهمتيها غلط بحوار التعويض و ان الخساره عليكي بس و مضايقه خدي بالك انك سبتيها و مشيتي

ليله….بابتسامه عارفه والله بس ماهو كان لازم اقلب في وشها التربيزه عشان اخلص من الموقف المهبب ده بس والله يا عشري كنت متعصبه برضوا

عشري….بضحك انتوا الاتنين مجانين والله

ليله…..والله بحبها و مضايقه عشان عصبتها بس هي مش بتسكت و لسانها طويل واه انا غلطت و زعلتها بس هي كمان زعلتني

عشري….هي مقصدتش تزعلك و انتي عارفه كده كويسه و خليكي معترفه ان ردك عليها بالطريقه دي هو اللي خلاها اتعصبت يعني كان هيحصل ايه لو قولتي انا حقيقي نسيت و ان شاء الله بكره هجيب حد و حصل خير كان هينقص منك حته يا بكيزه

ليله…..بابتسامه و الله كلمه عادي اللي قولتها مكنتش قصدي بيها برود او اهمال بس انا حسيت ان الموضوع خلص والحمد لله اتلمت فا عادي ليه نكبر المواضيع

عشري…..لان الموضوع كبير يا قلبي و بعدين يا ليله متنسيش ان معاكن ريهام وريهام لسه جديده عليكم و جديده علي الشغل يعني لازم تشوف منكم حزم في الشغل و تشوف منكم انكم مش بتتهاونوا في اي تفصيله عشان تعمل زيكم لانها لو ملاقتش ده منكم المطعم هيبقي ساحه للتسليه مش للشغل.