لقاء كارثي
لقاء كارثي
ليله….بضحكخلاص بقي ميبقاش قلبك اسود علي فكره بقي انا كمان مفطرتش
عشري….مكلتيش من الفطار اللي عملتهولك ده انتي يومك اسود
ليله….بضحك اه ما انت نزلت من غير ما تصحيني و لما كلمتك كنت رخم وقالب عليا و بقولك هعرفك وانا نازله تقولي برااااحتك
عشري…..بضحك انا يابت بعمل كده
ليله….بضحك اه و علي فكره المفروض بقي انت اللي تصالحني مش انا عشان فضلت اقولك قوم كل ادتني ضهرك و نمت
عشري….طب ما انا بصالحك اهو و بخرجك يا بلطجيه مهونتيش عليا علي فكره
ليله….بجد
عشري….بابتسامه باس كفها بجد مبحبش اشوفك زعلانه
ليله…..طب خلاص انا قليله الادب متزعلش
عشري….بضحك لا انتي قلبي يلا وصلنا
ركن عشري و نزل هو وليله قفل العربيه و مسك كفها و دخلوا علي الكافيه.
دخلت ليله مع عشري و هي مبسوطه و مرتاحه شويه انها اتكلمت معاه و انه قدر عصبيتها و صالحها و فجأه وهما بيقربوا اكتر بصت بصدمه اول ما شافت رشيد و ايمي قدامهم قاعدين و باصين عليهم رشيد مبتسم و ايمي مصدومه نفس صدمه ليله
و كان باين من صدمتهم لبعض ان محدش فيهم كان عارف انه هيشوف التاني.
قام رشيد و قف و هو مبتسم ابتسامه و اسعه و قفت كمان ايمي
الاتنين نظراتهم كانت طبق الاصل من بعض رافعين حاجبهم ابتسامه خفيفه ضاغطين علي شفايفهم
رشيد…اهلاااااا عشري
عشري….حبيبي يا ابو ادم ايه الاخبار يا راجل بقالي كتير مشوفتكش
رشيد….والله مشاغل الدنيا بقي انت عارف بس والله واحشني يا راجل
عشري….والله مش قدي
بصولهم الاتنين بغيظ و ابتسموا غصب عنهم و هما عمالين يسلموا علي بعض كانهم مشافوش بعض من سنه و فهموا ان الصياعه اللي حاصله دي متفق عليها
رشيد….طمني عليك اخبارك و احوالك و اخبار المدام
عشري….بضحكه تجنن زي الفل والله انت اخبار المدام بتاعتك ايه يااااااه هو الوقت بيعدي كده ازاي
رشيد…..اه والله كمل بضحكه تجنن شكلك اتغير كتير عن الصبح
ضحكت ليله و ضحكت ايمي
عشري…..بس تعرف انت كمان اتغيرت اوي من كام ساعه
رشيد…ايه كبرت ولا ايه
عشري…..بضحك لا غيرت هدومك
ضحك رشيد و حضنوا
رشيد….بضحك ياااااه يا جدع و انت زي ما انت مغيرتش
عشري….بضحك مشاغل بقي و بلف في ساقيه من الصبح بس خد بالك الدنيا دي قد كده ضيقه
رشيد….. بابتسامه قد بوء الحمامه
