لقاء كارثي

وده النوع الوحيد من الحب اللي لما بيدخل حياتك بيغير تعريفك لكل حاجة قبله.

بعد ما عشري خد ليله و اتحرك بالعربيه دام الصمت بينهم دقايق

عشري واخد موقف منها و زعلان او عامل نفسه زعلان و هي رغم حبها ليه عندها كبرياء انثي العقرب

كان مشغل اغاني بدويه و بيشرب سيجاره و هي منزله المرايا و عماله تظبط في شعرها و تحط روچ كانت هتنقطه بس عمل نفسه بارد هو كمان

وبعد الصمت ده حبت ليله تكسره بس بطريقه عاديه

ليله….هو احنا رايحين فين بقي ؟

بصلها بهدوء

عشري….هنتعشي

ليله…اممم فين

عشري……في المقطم

ليله….اه يعني طلع عشاء بجد

عشري….امال بهزر

ليله….لا بس حسستني ان اي مصيبه اقفلي علي الاكل و البسي بسرعه و بعدين ايه حوارك بجد مع الاكل ديما شيلي الاكل شيلي الاكل

عشري….معلش اصل اكلك وحش

ليله….نعم يا اخويا مين دي اللي اكلها وحش؟

عشري…..بصلها باستفزاز انتي

ليله……طب حلو متبقاش تاكل تاني بقي في البيت ابقي هات اكلك وانت راجع او كل بره و انا هبقي اكل براحتي او اقولك متجيبش اكل تاني في البيت خلينا نقضيها دليڤري بقي

عشري…..هو مينفعش مثلا تفكري فيها من ناحيه تانيه اني بريحك مثلا مش حابب اتعبك و ارهقك حابب مثلا ناكل مع بعض بره لازم سوء الظن

ليله….بابتسامه بسيطه رفعت حاجبها والله انا برد علي كلامك انت اللي قولت اكلك مش حلو

عشري….علي اساس اني مش باكل من ايدك كل يوم صح

ليله…اااا لا بتاكل بس اوقات كتير بتقولي متعمليش اكل

عشري….محصلش في بدايه جوازنا كانت بتصادف اننا نتعزم و كذا مره يتبعتلنا اكل فا مكنتيش بتعملي غير كده لو شايفك جايه متأخر من شغلك او مرهقه بقولك انا هجيب بس ملحوقه من هنا ورايح مش هقولك هجيب اكل وابقي دوري علي راحتك بقي حلو كده

ليله….بابتسامه بعند معايا يعني ولا ايه

عشري…..لا بريحك ادام بتزعلي و بتفهمي غلط اتعزمنت بره او اتجمعنا مع الشباب او كلنا بره انا وانتي زي انهارده كده تمام غير كده عندك شغل تعبانه مرهقه ارجع الاقي اكل في البيت حلو كده

ليله…..بضحكه جميله لا انا براحتي علي فكره لو تعبانه مش عامله هتعمل فيها سي السيد مش هتلاقيني امينه

عشري….لا مش براحتك بقي عشان انا كنت بتعامل بكل احترام وحب و منفعش و اتفهمت غلط يبقي اروق عليكي بقي